കൊച്ചി: കൊവിഡ് ഉയര്‍ത്തിയ ഭീഷണി ഇപ്പോഴും തുടരുകയാണ്. കഴിഞ്ഞ മാര്‍ച്ചില്‍ അടച്ചുപൂട്ടിയ തിയേറ്ററുകള്‍ ഇതുവരെ തുറക്കാനായിട്ടില്ല. ഇതിനിടെ മലയാളത്തിലെ സൂപ്പര്‍ താരങ്ങളായ മമ്മൂട്ടിയും മോഹന്‍ലാലും പൃഥ്വിയും ദുല്‍ഖറും ഒരുമിച്ച് ഒരു സിനിമ വന്നാലോ.

കൂടെ വിജയും സൂര്യയും. അതും വെള്ളിത്തിരയില്‍ ഹിറ്റായ സ്റ്റീഫന്‍ നെടുമ്പള്ളിയും ബോസും കോശിയുമായിട്ടൊക്കെ ആണെങ്കിലോ. എത്ര മനോഹരമായ നടക്കാത്ത സ്വപ്‌നം എന്ന് പറയാന്‍ വരട്ടെ.

അത്തരമൊരു ബ്രഹ്മാണ്ഡ വീഡിയോയുമായി എത്തിയിരിക്കുകയാണ് തമിഴ്‌നാട് സ്വദേശിയായ കതിര്‍. കൊറോണ വൈറസിനെ തുരത്താന്‍ എത്തുന്ന സൂപ്പര്‍ താരങ്ങളെയാണ് വീഡിയോയില്‍ അവതരിപ്പിച്ചിരിക്കുന്നത്.

ദളപതി വിജയ്‌യുടെ ശക്തിയും സൂര്യയുടെ 24 ലെ കഥാപാത്രവും ബോധിധര്‍മ്മനും എല്ലാം ഈ അനിമേഷന്‍ വീഡിയോയില്‍ എത്തുന്നുണ്ട്. നേരത്തെ തമിഴ് താരങ്ങളെ മാത്രം വെച്ച് സമാനമായ രീതിയില്‍ ഒരു വീഡിയോ കതിര്‍ ചെയ്തിരുന്നു.

ഇതിനോടകം നിരവധി പേരാണ് കതിരിന്റെ വീഡിയോ യൂട്യൂബില്‍ കണ്ടത്.

Content Highlight: Mammootty and Mohanlal to beat Corona; With Prithviraj, Dulquar and Vijay; animated video

ഡൂള്‍ന്യൂസിനെ ഫേസ്ബുക്ക്, ടെലഗ്രാം,  പേജുകളിലൂടെയും വാട്സാപ്പിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ