പോകുന്ന വഴിയ്ക്ക് വേറെ ആരോടും കഥ പറയാന്‍ ചെല്ലരുത്, ചെന്നാല്‍ വെടിവെച്ച് കൊല്ലുമെന്ന് ലാല്‍; രസകരമായ അനുഭവം പങ്കുവെച്ച് മധുപാല്‍
ഡൂള്‍ന്യൂസ് ഡെസ്‌ക്
Friday, 23rd July 2021, 3:48 pm
കൊച്ചി: മലയാള സിനിമയില്‍ ഒരു കാലത്ത് വില്ലന്‍ വേഷങ്ങളുടെ പര്യായമായി മാറിയ നടനാണ് മധുപാല്‍. നടനേക്കാളുപരി ഒരു എഴുത്തുകാരനും സംവിധായകനുമായ അദ്ദേഹം മികച്ച ചിത്രങ്ങള്‍ മലയാളിയ്ക്ക് സമ്മാനിയ്ക്കുകയും ചെയ്തിട്ടുണ്ട്.
തലപ്പാവ്, ഒഴിമുറി, ഒരു കുപ്രസിദ്ധ പയ്യന്‍ എന്നീ ചിത്രങ്ങള്‍ മലയാള സിനിമയ്ക്ക് അദ്ദേഹം സംഭാവന ചെയ്യുകയും ചെയ്തിട്ടുണ്ട്. തലപ്പാവ് കഥ പറയാനായി നടന്‍ ലാലിനെ സമീപിച്ചപ്പോഴുണ്ടായ അനുഭവം പങ്കുവെയ്ക്കുകയാണ് മധുപാല്‍.
മാസ്റ്റര്‍ ബിന്‍ യൂട്യൂബ് ചാനലിന് നല്‍കിയ അഭിമുഖത്തിലാണ് അദ്ദേഹം മനസ്സുതുറന്നത്.
‘തലപ്പാവ് ചെയ്യുന്ന സമയത്ത് കഥ ആദ്യം പോയി സംസാരിച്ചത് ലാലിനോടായിരുന്നു. വേറെ കുറെ നടന്‍മാരുടെ പേരൊക്കെ ചര്‍ച്ചയില്‍ വന്നിരുന്നു. ലാല്‍ കഥ കേള്‍ക്കുകയും അതേ രീതിയില്‍ സ്വീകരിക്കുകയും ചെയ്തു.
