തിരുവനന്തപുരം: കുട്ടനാട്ടില്‍ ഉപതെരഞ്ഞെടുപ്പ് ഉടന്‍ നടത്താന്‍ എന്‍.സി.പി യോഗത്തില്‍ തീരുമാനം. മുതിര്‍ന്ന എന്‍.സി.പി നേതാവ് പ്രഫുല്‍പട്ടേലിന്റെ അധ്യക്ഷതയില്‍ മുംബൈയില്‍ ചേര്‍ന്ന യോഗത്തിലാണ് ഇക്കാര്യം വ്യക്തമാക്കിയത്.
അതോടൊപ്പം സ്ഥാനാര്‍ത്ഥിയാരാകണമെന്ന കാര്യത്തില്‍ സി.പി.ഐ.എമ്മുമായി കൂടിയാലോചിച്ച ശേഷം മാത്രമേ തീരുമാനമുണ്ടായിരിക്കുകയുള്ളൂവെന്നും പ്രഫൂല്‍ പട്ടേല്‍ വ്യക്തമാക്കി.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
നേരത്തെ തോമസ് ചാണ്ടിയുടെ സഹോദരന്‍ തോമസ് കെ തോമസിനെ സ്ഥാനാര്‍ത്ഥിയാക്കണമെന്ന ആവശ്യം ഉയര്‍ന്നിരുന്നു. ഇത് സംബന്ധിച്ച് തോമസ് ചാണ്ടിയുടെ ഭാര്യ മേരി ചാണ്ടി എന്‍.സി.പി നേതാക്കള്‍ക്കും സി.പി.ഐ.എം സംസ്ഥാന സെക്രട്ടറിക്കും കത്തയച്ചിരുന്നു.
തോമസ് ചാണ്ടി അസുഖബാധിതനായിരുന്നപ്പോള്‍ മണ്ഡലത്തിന്റെ ചുമതല ഏല്‍പ്പിച്ചിരുന്നത് തോമസ് കെ തോമസിനെയായിരുന്നു.
