'ഓഫീസിലിരുന്ന് അവന്‍ കരയുന്നത് ഞാന്‍ കണ്ടിട്ടുണ്ട്'; മുഖ്യമന്ത്രിയായിരുന്ന സമയത്ത് കുമാരസ്വാമിയ്ക്ക് സമാധാനമില്ലായിരുന്നുവെന്ന് ദേവഗൗഡ
ഡൂള്‍ന്യൂസ് ഡെസ്‌ക്
Sunday, 28th July 2019, 1:19 pm
ബെംഗളൂരു: മുഖ്യമന്ത്രിപദത്തില്‍ ഇരുന്ന നാളുകളില്‍ തന്റെ മകന് സമാധാനം ഇല്ലായിരുന്നുവെന്ന് ജെ.ഡി.എസ് നേതാവും കുമാരസ്വാമിയുടെ പിതാവുമായ എച്ച്.ഡി ദേവഗൗഡ. ശനിയാഴ്ച പാര്‍ട്ടി പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
‘ജെ.ഡി.എസ്-കോണ്‍ഗ്രസ് സര്‍ക്കാരിന് അധികാരം നഷ്ടപ്പെട്ടതില്‍ എനിക്ക് വലിയ പ്രശ്‌നമില്ല. മുഖ്യമന്ത്രിയായതിന് ശേഷം എന്റെ മകന് യാതൊരു സമാധാനവുമില്ലായിരുന്നു. ജെ.പി ഭവനിലിരുന്ന് അദ്ദേഹം കരഞ്ഞിരുന്നതായി എനിക്കറിയാം.’
