'കൊവിഡിന് മുമ്പ് സിലിമയില്‍ അഫിനയിച്ചെന്ന് പറയപ്പെടുന്ന ഫീകര പ്രവര്‍ത്തകര്‍'; വീട്ടിലിരിക്കണമെന്ന് ഓര്‍മിപ്പിച്ച് ക്ലാസ്‌മേറ്റ്‌സ് ടീം വീഡിയോ കോളില്‍
എന്റര്‍ടെയിന്‍മെന്റ് ഡെസ്‌ക്
Saturday, 15th May 2021, 3:59 pm
കേരളത്തിലും കൊവിഡ് കേസുകള്‍ വര്‍ധിച്ചതോടെ ലോക്ക്ഡൗണ്‍ പ്രഖ്യാപിച്ചിരിക്കുകയാണ്. സിനിമാ മേഖല അടക്കം സ്തംഭിച്ചിരിക്കുന്ന സമയം കൂടിയാണിത്. ഈ ഘട്ടത്തില്‍ വീട്ടിലിരുന്നുകൊണ്ട് താരങ്ങളെ വീഡിയോ കോള്‍ ചെയ്യുന്ന ചിത്രം പങ്കുവെച്ചിരിക്കുകയാണ് നടന്‍ ജയസൂര്യ.
കൊവിഡ് കാലത്തിന് മുമ്പ് സിലിമയില്‍ അഫിനയിച്ചിരുന്നു എന്ന് പറയപ്പെടുന്ന നാല് ഫീകരര്‍ എന്ന കുറിപ്പോടെയാണ് ചിത്രം പങ്കുവെച്ചിരിക്കുന്നത്.
ക്ലാസ്‌മേറ്റ്‌സ് സിനിമയില്‍ അഭിനയിച്ച പൃഥ്വിരാജ്, ഇന്ദ്രജിത്ത്, നരേന്‍, ജയസൂര്യ എന്നിവരാണ് വീഡിയോ കോളിലൂടെ എത്തിയത്.
ഇതേചിത്രം പൃഥ്വിരാജ് തന്റെ ഓഫീഷ്യല്‍ ഇന്‍സ്റ്റഗ്രാം ഹാന്‍ഡിലിലും പങ്കുവെച്ചിട്ടിട്ടുണ്ട്.
