സീരിയല്‍ ലെവല്‍ സെന്റി; ഒ.ടി.ടി റിലീസിന് പിന്നാലെ ജവാന് വിമര്‍ശനം
എന്റര്‍ടെയിന്‍മെന്റ് ഡെസ്‌ക്
Sunday, 5th November 2023, 9:29 am
ഷാരൂഖ് ഖാന്‍- അറ്റ്‌ലി കൂട്ടുകെട്ടിലൊരുങ്ങിയ ജവാന് കഴിഞ്ഞ സെപ്റ്റംബര്‍ ഏഴിനാണ് റിലീസ് ചെയ്തത്. അറ്റ്‌ലി ആദ്യമായി സംവിധാനം ചെയ്ത ബോളിവുഡ് ചിത്രത്തില്‍ നയന്‍താര ആയിരുന്നു നായിക. നയന്‍സിന്റെ ബോളിവുഡ് അരങ്ങേറ്റം കൂടിയായിരുന്നു ചിത്രം.
ജവാന് ഇപ്പോള്‍ നെറ്റ്ഫ്‌ളിക്‌സില്‍ സ്ട്രീമിങ് ആരംഭിച്ചിരിക്കുകയാണ്. പിന്നാലെ ചിത്രത്തിനെതിരെ വിമര്‍ശനങ്ങളും ട്രോളുകളും സോഷ്യല്‍ മീഡിയയില്‍ പ്രചരിക്കുകയാണ്. ചിത്രത്തില്‍ സീരിയല്‍ ലെവല്‍ സെന്റിമെന്റ്‌സാണെന്നും ആവശ്യമില്ലാത്തിടത്തൊക്കെ അച്ഛന്‍ ഷാരൂഖും മകന്‍ ഷാരൂഖും കരയുകയാണെന്നും ട്രോളന്മാര്‍ പറയുന്നു.
