ബോര്‍ഡര്‍ – ഗവാസ്‌കര്‍ ട്രോഫിയിലെ നിര്‍ണായകമായ നാലാം ടെസ്റ്റില്‍ ഇന്ത്യ വമ്പന്‍ പരാജയമാണ് ഏറ്റുവാങ്ങിയത്. മെല്‍ബണില്‍ നടന്ന ബോക്സിങ് ഡേ ടെസ്റ്റില്‍ 184 റണ്‍സിനാണ് കങ്കാരുക്കള്‍ വിജയം സ്വന്തമാക്കിയത്. ഓസീസ് ഉയര്‍ത്തിയ 340 റണ്‍സിന്റെ വിജയലക്ഷ്യം മറികടക്കാന്‍ സാധിക്കാതെ ഓള്‍ ഔട്ടില്‍ കുരുങ്ങുകയായിരുന്നു ഇന്ത്യ. ഇതോടെ 2-1ന് ഓസീസാണ് പരമ്പരയില്‍ മുന്നില്‍ നില്‍ക്കുന്നത്.

പരാജയപ്പെട്ടെങ്കിലും ഇന്ത്യയ്ക്ക് വേണ്ടി മിന്നും പ്രകടനമാണ് സ്റ്റാര്‍ ബൗളര്‍ ജസ്പ്രീത് ബുംറ നടത്തിയത്. നിര്‍ണായകമായ രണ്ടാം ടെസ്റ്റില്‍ ഓസീസിനെ തകര്‍ക്കാന്‍ സഹായിച്ചത് ബുംറയുടെ മികച്ച ബൗളിങ്ങാണ്. ഒമ്പത് വിക്കറ്റുകളാണ് താരം സ്വന്തമാക്കിയത്.

ഓസ്ട്രേലിയന്‍ പര്യടനത്തില്‍ നിലവില്‍ 12.83 എന്ന ആവറേജില്‍ 30 വിക്കറ്റുകള്‍ താരം വീഴ്ത്തിയിട്ടുണ്ട്. ഇതോടെ പരമ്പരയിലെ വിക്കറ്റ് വേട്ടക്കാരനാകാനും താരത്തിന് സാധിച്ചു. ഇതിനെല്ലാം പുറമെ മറ്റൊരു തകര്‍പ്പന്‍ റെക്കോഡാണ് ബുംറ 2024 വര്‍ഷത്തില്‍ സ്വന്തമാക്കിയത്. ടെസ്റ്റില്‍ ഏറ്റവും കൂടുതല്‍ വിക്കറ്റ് സ്വന്തമാക്കുന്ന താരമാകാനാണ് ബുംറയ്ക്ക് സാധിച്ചത്.

2024ല്‍ ഏറ്റവും കൂടുതല്‍ ടെസ്റ്റ് വിക്കറ്റ് നേടുന്ന താരം, വിക്കറ്റ്

ജസ്പ്രീത് ബുറ (ഇന്ത്യ) – 71*

ഗസ് ആറ്റ്കിന്‍സണ്‍ (ഇംഗ്ലണ്ട്) – 52

ഷൊയിബ് ബഷീര്‍ (ഇംഗ്ലണ്ട്) – 49

മാറ്റ് ഹെന്റി (ന്യൂസിലാന്‍ഡ്) – 48

ബോക്സിങ് ഡേ ടെസ്റ്റില്‍ രണ്ടാം ഇന്നിങ്സില്‍ ഫൈഫര്‍ നേടിയാണ് ബുംറ ഓസീസിനെ സമ്മര്‍ദത്തിലാക്കിയത്. ഓപ്പണര്‍ സാം കോണ്‍സ്റ്റസ് (8), ട്രാവിസ് ഹെഡ് (1), മിച്ചല്‍ മാര്‍ഷ് (0), അലക്സ് കാരി (2), നഥാന്‍ ലിയോണ്‍ (41) എന്നിവരെയാണ് ബുംറ പുറത്തായത്. ടെസ്റ്റില്‍ 200 വിക്കറ്റ് പൂര്‍ത്തിയാക്കാനും ബുംറയ്ക്ക് സാധിച്ചിരുന്നു.

Content Highlight: Jasprit Bumrah In Record Achievement