ബംഗ്ലാദേശിന്റെ ഇന്ത്യന്‍ പര്യടനത്തിലെ രണ്ടാം ടി-20 ദല്‍ഹിയിലെ അരുണ്‍ ജെയ്റ്റ്‌ലി സ്റ്റേഡിയത്തില്‍ തുടരുകയാണ്. മത്സരത്തില്‍ ടോസ് നഷ്ടപ്പെട്ട ഇന്ത്യ ബാറ്റിങ്ങിനിറങ്ങിയിരിക്കുകയാണ്.
മോശം തുടക്കമാണ് ഇന്ത്യക്ക് ലഭിച്ചത്. പവര്‍പ്ലേ അവസാനിക്കും മുമ്പ് മൂന്ന് മുന്‍ നിര ബാറ്റര്‍മാരെയും ഇന്ത്യക്ക് നഷ്ടപ്പെട്ടു. രണ്ടാം ഓവറിലെ അവസാന പന്തില്‍ സഞ്ജു സാംസണ്‍ മടങ്ങിയപ്പോള്‍ മൂന്നാം ഓവറിലെ അവസാന പന്തില്‍ അഭിഷേക് ശര്‍മയും കൂടാരം കയറി. അധികം വൈകാതെ ടീമിന്റെ പ്രതീക്ഷയായിരുന്ന ക്യാപ്റ്റന്‍ സൂര്യകുമാറും പുറത്തായി.
ടീം സ്‌കോര്‍ 17ല്‍ നില്‍ക്കവെയാണ് സഞ്ജു പുറത്താകുന്നത്. ഏഴ് പന്തില്‍ പത്ത് റണ്‍സ് മാത്രം നേടി നില്‍ക്കവെയാണ് താരം പുറത്തായത്. രണ്ട് ബൗണ്ടറികളുമായി മികച്ച രീതിയില്‍ സ്‌കോര്‍ ചെയ്ത് വരവെ താസ്‌കിന്‍ അഹമ്മദിന്റെ പന്തില്‍ നജ്മുല്‍ ഹൊസൈന്‍ ഷാന്റോക്ക് ക്യാച്ച് നല്‍കിയാണ് താരം പുറത്തായത്.
ആഗ്രഹിക്കാത്ത റെക്കോഡ്
ബംഗ്ലാദേശിനെതിരായ പരമ്പരയിലെ രണ്ടാം ടി-20യിലെ മോശം പ്രകടനത്തിന് പിന്നാലെ സഞ്ജു സാംസണെ ഒരു മോശം റെക്കോഡും തേടിയെത്തി. ചുരുങ്ങിയത് 25 അന്താരാഷ്ട്ര ടി-20 മത്സരം കളിച്ചവരില്‍ മോശം ശരാശരിയുള്ള ഇന്ത്യന്‍ ബാറ്റര്‍ എന്ന അനവാശ്യ നേട്ടമാണ് സഞ്ജുവിനെ തേടിയെത്തിയത്.
നിലവില്‍ 19.32 ആണ് സഞ്ജുവിന്റെ അന്താരാഷ്ട്ര ടി-20 ശരാശരി. 32 മത്സരത്തിലെ 28 ഇന്നിങ്‌സില്‍ നിന്നും 483 റണ്‍സാണ് സഞ്ജുവിന്റെ പേരിലുള്ളത്.
അന്താരാഷ്ട്ര ടി-20യിലെ ഒരു ഇന്ത്യന്‍ ബാറ്ററുടെ മോശം ശരാശരി (ചുരുങ്ങിയത് 25 ഇന്നിങ്‌സ്)
താരത്തിന്റെ ആദ്യ അന്താരാഷ്ട്ര അര്‍ധ സെഞ്ച്വറിയാണ്. കരിയറിലെ രണ്ടാം മത്സരത്തിലാണ് ഈ നേട്ടമെന്നതും സണ്‍റൈസേഴ്‌സ് താരത്തിന്റെ നേട്ടത്തെ എക്‌സ്ട്രാ സ്‌പെഷ്യലാക്കുന്നു.
നിലവില്‍ 13 ഓവര്‍ പിന്നിടുമ്പോള്‍ 142 റണ്‍സിന് മൂന്ന് വിക്കറ്റ് എന്ന നിലയിലാണ് ഇന്ത്യ. 31 പന്തില്‍ 68 റണ്‍സുമായി നിതീഷ് കുമാര്‍ റെഡ്ഡിയും 19 പന്തില്‍ 35 റണ്‍സുമായി റിങ്കു സിങ്ങുമാണ് ക്രീസില്‍.
