പത്ത് വര്‍ഷത്തിനിടെ 1000 കോടിയുടെ ഇടപാടുകള്‍; മലപ്പുറത്ത് യു.ഡി.എഫ് ഭരിക്കുന്ന സഹകരണ ബാങ്കില്‍ ആദായ നികുതി റെയ്ഡ്
ഡൂള്‍ന്യൂസ് ഡെസ്‌ക്
Sunday, 28th March 2021, 7:07 pm
മലപ്പുറം: യു.ഡി.എഫ് ഭരിക്കുന്ന മലപ്പുറത്തെ എ. ആര്‍ നഗര്‍ സര്‍വീസ് സഹകരണ ബാങ്കില്‍ ആദായ നികുതി വകുപ്പിന്റെ റെയ്ഡ്. പത്ത് വര്‍ഷത്തിനിടെ ബാങ്കില്‍ നടത്തിയത് 1000 കോടി രൂപയുടെ ഇടപാടുകളാണെന്ന് ഐ. ടി വകുപ്പ് കണ്ടെത്തി.
പരിശോധനയില്‍ 110 കോടി രൂപയുടെ അനധികൃത നിക്ഷേപം കണ്ടെത്തിയതായും സൂചനയുണ്ട്. ഏഷ്യാനെറ്റ് ന്യൂസാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.
ബാങ്കിന്റെ മുന്‍ സെക്രട്ടറി വി. കെ ഹരികുമാറിന്റെ വീട്ടിലും ആദായ നികുതി വകുപ്പ് ഉദ്യോഗസ്ഥര്‍ പരിശോധന നടത്തി. മരിച്ചവരുടെ പേരിലും അനധികൃത നിക്ഷേപങ്ങള്‍ നടത്തിയതായാണ് കണ്ടെത്തല്‍
