'ചൂടാക്കിയാല്‍ സ്വര്‍ണമായി മാറുന്ന മാജിക് മണല്‍'; തട്ടിപ്പിനിരയായി സ്വര്‍ണ വ്യാപാരിക്ക് നഷ്ടമായത് അരക്കോടി
ഡൂള്‍ന്യൂസ് ഡെസ്‌ക്
Saturday, 23rd January 2021, 1:45 pm
ബെംഗളൂരു: പൂനെയില്‍ സ്വര്‍ണ വ്യാപാരി തട്ടിപ്പിനിരയായി. പൂനെയിലെ ഹദാസ്പൂരിലെ സ്വര്‍ണ വ്യാപാരിയാണ് പരാതി നല്‍കിയിരിക്കുന്നത്.
ചൂടാക്കിയാല്‍ മണല്‍ സ്വര്‍ണമായി മാറുമെന്ന് പറഞ്ഞ് 4 കിലോ മണല്‍ നല്‍കി പറ്റിച്ചുവെന്നാണ് പരാതി.
ഒരു വര്‍ഷക്കാലമായി പരിചയമുള്ള സുഹൃത്തില്‍ നിന്നാണ് മണല്‍ വാങ്ങിയതെന്നും പരാതിയില്‍ പറയുന്നു. ബംഗാളില്‍ നിന്ന് കൊണ്ടുവന്നതെന്ന് പറഞ്ഞായിരുന്നു മണല്‍ നല്‍കിയത്. 50 ലക്ഷം രൂപയ്ക്കാണ് ജ്വല്ലറി വ്യാപാരി മണല്‍ വാങ്ങിച്ചത്.
