ടി-20 ലോകകപ്പില്‍ ഇന്ന് നടന്ന ന്യൂസിലാന്‍ഡ് – ശ്രീലങ്ക മത്സരത്തില്‍ ക്രിക്കറ്റ് ലോകത്തിന്റെ മുഴുവന്‍ കയ്യടികളേറ്റുവാങ്ങിയത് കിവീസ് താരം ഗ്ലെന്‍ ഫിലിപ്‌സായിരുന്നു. നാലാം നമ്പറില്‍ കളത്തിലിറങ്ങി ന്യൂസിലാന്‍ഡിന്റെ വിജയ ശില്‍പിയായി മാറിയാണ് ഫിലിപ്‌സ് തരംഗമായത്.
ബൗളിങ്ങിന്റെ സിംഹള വീര്യത്തിന് മുമ്പില്‍ കിവീസിന്റെ ടോപ് ഓര്‍ഡര്‍ ഒന്നടങ്കം പരാജയപ്പെട്ട മത്സരമായിരുന്നു സിഡ്‌നി ക്രിക്കറ്റ് ഗ്രൗണ്ടിലേത്. ന്യൂസിലാന്‍ഡിന്റെ ടോപ് ഓര്‍ഡര്‍ എന്നതിനേക്കാളുപരി ന്യൂസിലാന്‍ഡിന്റെ ബാറ്റര്‍മാര്‍ എല്ലാവരും പരാജയപ്പെട്ട മത്സരം എന്ന് പറയുന്നതാവും ശരി.
എന്നാല്‍ ഒരാള്‍ക്ക് മുമ്പില്‍ ശ്രീലങ്കന്‍ ബൗളര്‍മാര്‍ നിന്ന് വിറച്ചു. അവനാകട്ടെ ഒരു ദയവും കൂടാതെ ലങ്കന്‍ ബൗളര്‍മാരെ നിര്‍ദാക്ഷിണ്യം തല്ലിയൊതുക്കി. ഒടുവില്‍ 64 പന്തില്‍ നിന്നും 104 റണ്‍സ് തികച്ച് ഗ്ലെന്‍ ഫിലിപ്‌സ് മടങ്ങിയപ്പോള്‍ ഒരുപിടി റെക്കോഡുകളെയും ഒപ്പം കൂട്ടിയിരുന്നു.
ടി-20 ലോകകപ്പില്‍ നാലോ അതില്‍ താഴെയോ പൊസിഷനില്‍ ഇറങ്ങി സെഞ്ച്വറി നേടുന്ന ആദ്യ താരം എന്ന റെക്കോഡാണ് ഫിലിപ്‌സ് സ്വന്തമാക്കിയത്. ഫിലിപ്‌സിന്റെ ഇന്നിങ്‌സ് ഒന്നുകൊണ്ട് മാത്രമാണ് ന്യൂസിലാന്‍ഡ് 167 റണ്‍സിലെത്തിയത്.
1 – @BLACKCAPS‘ Glenn Phillips is the first batter to score a century in the history of the ICC Men’s T20 World Cup when coming in to bat in the middle order (No. 4 to 7). Anchor.#T20WorldCuppic.twitter.com/TtEG7dmB6U
താരത്തിന്റെ ബാറ്റിങ്ങിനെക്കാള്‍ ക്രിക്കറ്റ് ലോകത്ത് ചര്‍ച്ചയാവുന്നത് അദ്ദേഹം സിംഗിള്‍ നേടാനായി ഒരുങ്ങി നിന്ന പൊസിഷനായിരുന്നു. ഒളിമ്പിക്‌സില്‍ നൂറ് മീറ്റര്‍ ഓട്ടത്തിന് തയ്യാറായി നില്‍ക്കുന്ന സ്പ്രിന്ററെ പോലെയാണ് താരം നോണ്‍ സ്‌ട്രെക്കേഴ്‌സ് എന്‍ഡില്‍ നിന്നിരുന്നത്.
Further proof that this is the most him Glenn Phillips has been in his life is the ‘innovation’ that he has brought into running from the non-striker’s end. You think these things beforehand, and then try them when you have the confidence to.
Confidence allows you to be you. pic.twitter.com/M7cPQRdw7d
നാല് ഓവറില്‍ കേവലം 13 റണ്‍സ് മാത്രം വിട്ടുനല്‍കി നാല് വിക്കറ്റുകളാണ് ബോള്‍ട്ട് പിഴുതത്. കുശാല്‍ മെന്‍ഡിസ്, ധനഞ്ജയ ഡി സില്‍വ, ചരിത് അസലങ്ക, ക്യാപ്റ്റന്‍ ഭാനുക രാജപക്‌സെ എന്നിവരാണ് ബോള്‍ട്ടിന് മുമ്പില്‍ ഉത്തരമില്ലാതെ വീണത്.
