എവിടെ പരിപാടി അവതരിപ്പിച്ചാലും ഇതുതന്നെയാണല്ലോ വിധി; ട്രോഫിക്കുമേല്‍ മറിഞ്ഞുവീണ് പാക് താരങ്ങള്‍
സ്പോര്‍ട്സ് ഡെസ്‌ക്
Sunday, 3rd April 2022, 11:34 am
ഓസീസിനെ തകര്‍ത്ത് സ്വന്തം നാട്ടില്‍ പരമ്പര ജയിച്ചതിന്റെ ആവേശത്തിലാണ് പാകിസ്ഥാന്‍ ക്രിക്കറ്റ് ടീമും പാകിസ്ഥാന്‍ ക്രിക്കറ്റ് ബോര്‍ഡും. 20 വര്‍ഷത്തിന് ശേഷമാണ് പാക് മണ്ണില്‍ ഒരു ടീം പര്യടനത്തിനെത്തുന്നത്. ഇതുതന്നെയാണ് പാകിസ്ഥാന്റെ വിജയത്തിന് മധുരമേറുന്നതും.
മൂന്ന് മത്സരങ്ങളുള്ള ഏകദിന പരമ്പരയില്‍ ആദ്യ കളി തോറ്റതിന് ശേഷമായിരുന്നു പാകിസ്ഥാന്‍ വിജയവഴിയിലേക്കെത്തിയത്. രണ്ടാം മത്സരത്തില്‍ ചരിത്രത്തിലെ തന്നെ മികച്ച റണ്‍ ചെയ്‌സിനൊടുവിലാണ് പാകിസ്ഥാന്‍ കങ്കാരുക്കളെ അട്ടിമറിച്ചത്.
ഓസീസിന്റെ 348 റണ്‍സിന്റെ വിജയലക്ഷ്യം ക്യാപ്റ്റന്‍ ബാബറിന്റെയും ഇമാം ഉള്‍ ഹഖിന്റെയും സെഞ്ച്വറി മികവിലാണ് പാകിസ്ഥാന്‍ മറികടന്നത്.
