പാര്‍ട്ടിയില്‍ നിന്ന് പുറത്താക്കിയത് സുധാകരന്റെ വ്യക്തിവൈരാഗ്യം മൂലം; വായതുറന്നാല്‍ സുധാകരന് താങ്ങാനാകില്ല; മമ്പറം ദിവാകരന്‍
ഡൂള്‍ന്യൂസ് ഡെസ്‌ക്
Monday, 29th November 2021, 11:59 pm
തലശ്ശേരി: തന്നെ പാര്‍ട്ടിയില്‍ നിന്ന് പുറത്താക്കിയതിന് പിന്നില്‍ കെ.പി.സി.സി പ്രസിഡന്റ് കെ.സുധാകരന്റെ വ്യക്തിവൈരാഗ്യം മാത്രമാണെന്ന് ഇന്ദിരാഗാന്ധി സഹകരണ ആശുപത്രി ചെയര്‍മാനും കെ.പി.സി.സി മുന്‍ എക്സിക്യൂട്ടീവ് അംഗവുമായ മമ്പറം ദിവാകരന്‍.
തലശ്ശേരിയില്‍ ഇന്ദിരാഗാന്ധി ആശുപത്രിയില്‍ നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. കോണ്‍ഗ്രസില്‍ നിന്ന് തന്നെ പുറത്താക്കിയതിനു പിന്നില്‍ സുധാകരന്റെ വ്യക്തിവൈരാഗ്യം മാത്രമാണ്. താന്‍ ആശുപത്രിയില്‍ ചികിത്സയില്‍ കഴിയുമ്പോള്‍ തൊട്ടടുത്ത മുറിയില്‍ വന്നിട്ടും സുധാകരന് തിരിഞ്ഞുനോക്കിയില്ലെന്നും ദിവാകരന്‍ പറഞ്ഞു.
