ചര്‍ച്ചക്കായി എര്‍ദോഗനൊപ്പം ഹാളിലേക്ക് പ്രവേശിച്ച ഇരുവര്‍ക്കുമുള്ള കസേരകള്‍ പക്ഷേ അവിടെയുണ്ടായിരുന്നില്ല. ഹാളില്‍ രണ്ട് കസേര മാത്രമെ ഉണ്ടായിരുന്നുള്ളു. അതില്‍ ഒന്നില്‍ എര്‍ദോഗനും ഇരുന്നപ്പോള്‍, തൊട്ടടുത്ത ഇരിപ്പിടത്തില്‍ ചാള്‍സ് മൈക്കളും ഇരിക്കുകയും കമ്മീഷന്‍ അധ്യക്ഷ നില്‍ക്കേണ്ട ഗതിയുമുണ്ടാകുകയായിരുന്നു.
ഇത് ശ്രദ്ധയില്‍പ്പെട്ടതോടെ ഹാളിലെ ഒരു സോഫയില്‍ അധ്യക്ഷയ്ക്ക് ഇരിക്കാന്‍ ഇരിപ്പിടം നല്‍കുകയായിരുന്നു. ഇരിപ്പിടം നിഷേധിച്ച വിഷയത്തില്‍ കമ്മീഷന്‍ അധ്യക്ഷ ശരിക്കും അമ്പരന്ന് പോയതായി അവരുടെ വക്താവിനെ ഉദ്ധരിച്ച് റോയിട്ടേഴ്‌സ് റിപ്പോര്‍ട്ട് ചെയ്തു.
ഉര്‍സുലയ്ക്ക് കസേര നിഷേധിച്ചതിനെതിരെ ആഗോള തലത്തില്‍ വ്യാപക വിമര്‍ശനം ഉയരുകയാണ്. സ്ത്രീയായതിന്റെ പേരില്‍ അധ്യക്ഷയ്ക്ക് നേരെ വിവേചനം കാണിച്ചുവെന്നും ഇത് ലിംഗവിവേചനത്തിന്റെ അടയാളമാണെന്നുമാണ് സോഷ്യല്‍മീഡിയയില്‍ ഉയരുന്ന വിമര്‍ശനം.
