'മുഖ്യമന്ത്രിയുടെ മകള്‍ക്ക് സ്പ്രിംക്ലര്‍ എം.ഡിയുമായി അടുത്ത ബന്ധം, കുറഞ്ഞ നാളുകള്‍ക്കുള്ളില്‍ വസതി സന്ദര്‍ശിച്ചത് ആറ് തവണ';ആരോപണവുമായി എല്‍ദോസ് കുന്നപ്പള്ളി
ഡൂള്‍ന്യൂസ് ഡെസ്‌ക്
Wednesday, 22nd April 2020, 5:19 pm
കൊച്ചി: കൊവിഡ് രോഗികളുടെ ഡാറ്റാ ശേഖരണം നടത്തുന്നതില്‍ കേരള സര്‍ക്കാരുമായി കരാറിലെത്താന്‍ സ്പ്രിംക്ലര്‍ കമ്പനിക്ക് സാധിച്ചതിന് പിന്നില്‍ മുഖ്യമന്ത്രി പിണറായി വിജയന്റെ മകളുടെ ഇടപെടലുണ്ടെന്ന് ആരോപിച്ച് എല്‍ദോസ് കുന്നപ്പള്ളി എം.എല്‍.എ. സ്പ്രിംക്ലര്‍ എം.ഡി രാജി തോമസുമായി പിണറായി വിജയന്റെ മകള്‍ വീണ വിജയന് അടുത്ത ബന്ധമുണ്ടെന്നും അദ്ദേഹം ആരോപിച്ചു.
കുറഞ്ഞ നാളുകള്‍ക്കുള്ളില്‍ രാജി തോമസിന്റെ അമേരിക്കയിലെ ന്യൂജേഴ്‌സിയിലെ വസതി വീണ വിജയന് സന്ദര്‍ശിച്ചത് ആറ് തവണയാണ്. അന്വേഷണ ഏജന്‍സികള്‍ വീണയുടെ പാസ്‌പോര്‍ട്ട് പരിശോധിക്കാന്‍ തയ്യാറാകണം. കൂടുതല്‍ വിവരങ്ങള്‍ തന്റെ കയ്യിലുണ്ടെന്നും പുറത്ത് വിടുമെന്നും എല്‍ദോസ് കുന്നപ്പള്ളി ഫേസ്ബുക്കിലൂടെ അറിയിച്ചു.
