നിയമബാഹ്യ കൊലകളും മനുഷ്യാവകാശ ലംഘനങ്ങളും;യു.പിയില്‍ രാഷ്ട്രപതി ഭരണം ഏര്‍പ്പെടുത്തണമെന്ന ഹരജി തള്ളി സുപ്രീംകോടതി
ഡൂള്‍ന്യൂസ് ഡെസ്‌ക്
Monday, 8th February 2021, 1:50 pm
ന്യൂദല്‍ഹി: ഉത്തര്‍പ്രദേശില്‍ രാഷ്ട്രപതി ഭരണം ഏര്‍പ്പെടുത്തണമെന്നാവശ്യപ്പെട്ട് സമര്‍പ്പിച്ച ഹരജി സുപ്രീംകോടതി തള്ളി. സംസ്ഥാനത്ത് നിയമബാഹ്യ കൊലകളും മനുഷ്യാവകാശ ലംഘനങ്ങളും നടക്കുന്നുണ്ടെന്ന് ചൂണ്ടിക്കാട്ടി അഭിഭാഷകനായ സി.ആര്‍. ജയ സുഖിന്‍ നല്‍കിയ ഹരജി കേള്‍ക്കാനാണ് ചീഫ് ജസ്റ്റിസ് എസ്.എ ബോബ്‌ഡെ വിസമ്മതിച്ചത്.
ഉത്തര്‍പ്രദേശിലെ ക്രിമിനല്‍ കുറ്റങ്ങളെക്കുറിച്ച് നിങ്ങള്‍ പഠിച്ചിട്ടുണ്ടോ എന്ന് ചോദിച്ചാണ് ഹരജി ബോബ്‌ഡെ തള്ളിയത്. എന്നാല്‍ ഇന്ത്യയിലെ മൊത്തം കുറ്റകൃത്യങ്ങളില്‍ 30 ശതമാനവും ഉത്തര്‍പ്രദേശിലാണെന്ന് അഭിഭാഷകന്‍ മറുപടി നല്‍കി. എന്നാല്‍ ഇതിന് രേഖകള്‍ നല്‍കണമെന്ന് കോടതി ആവശ്യപ്പെട്ടു.
