നിങ്ങളുടെ സ്‌നേഹം ഉത്തരവാദിത്തം കൂട്ടുന്നു, മികച്ച സിനിമകള്‍ നല്‍കുന്നതിനായി പൂര്‍ണ മനസോടെ ശ്രമിക്കും; പിറന്നാള്‍ ആശംസകളില്‍ ലോകേഷ്
എന്റര്‍ടെയിന്‍മെന്റ് ഡെസ്‌ക്
Tuesday, 14th March 2023, 4:37 pm
ചുരുങ്ങിയ സിനിമകള്‍ കൊണ്ട് സിനിമാ പ്രേമികളുടെ മനസില്‍ ഇടം നേടിയ സംവിധായകനാണ് ലോകേഷ് കനകരാജ്. മാനഗരം, കൈതി, മാസ്റ്റര്‍, വിക്രം എന്നീ 4 സിനിമകളിലൂടെ സ്വന്തമായി ഒരു സിനിമാറ്റിക്ക് യൂണിവേഴ്സ് തന്നെ ലോകേഷ് ആരംഭിച്ചു. ലോകേഷ് കനകരാജിന്റെ പിറന്നാള്‍ ദിനമായ ചൊവ്വാഴ്ച നിരവധി താരങ്ങളും ആരാധകരും അദ്ദേഹത്തിന് ആശംസകളുമായി രംഗത്ത് വന്നിരുന്നു.
വിജയുമൊത്തുള്ള അടുത്ത ചിത്രമായ ലിയോയുടെ സെറ്റില്‍ വെച്ചായിരുന്നു ലോകേഷിന്റെ പിറന്നാള്‍ കേക്കുമുറിച്ചത്. കശ്മീരില്‍ ഷൂട്ടിങ്ങ് പുരോഗമിക്കുന്ന ചിത്രത്തിന്റെ സെറ്റില്‍ വെച്ചെടുത്ത ചിത്രങ്ങള്‍ സോഷ്യല്‍ മീഡിയയില്‍ വൈറലാവുകയാണ്.
പിറന്നാളിന് ആശംസയറിയച്ചവര്‍ക്ക് നന്ദി പറഞ്ഞിരിക്കുകയാണ് ലോകേഷ്. ട്വിറ്ററിലൂടെയാണ് ജന്മദിനാശംസകള്‍ നേര്‍ന്ന ആരാധകരോടും സിനിമാ പ്രവര്‍ത്തകരോടും അദ്ദേഹം നന്ദി പറഞ്ഞത്.
