'പറ്റുമെങ്കില്‍ കണ്ടുപിടിക്ക്'; മൊബൈല്‍ നമ്പര്‍ എഴുതിവെച്ച് ധൂം സ്‌റ്റൈല്‍ മോഷണം നടത്തി സംഘം
ഡൂള്‍ന്യൂസ് ഡെസ്‌ക്
Monday, 4th July 2022, 1:49 pm
ഭുപനേശ്വര്‍: ബോളിവുഡ് സൂപ്പര്‍ഹിറ്റ് ചിത്രമായ ധൂം സ്‌റ്റൈല്‍ മോഷണം. ഒഡീഷയിലെ നബ്‌രംഗ്പൂര്‍ പൊലീസ് പരിധിയിലുള്ള സ്‌കൂളിലാണ് സംഭവം. ‘പറ്റുമെങ്കില്‍ കണ്ടുപിടിക്കൂ’ എന്ന വാക്യവും ബോര്‍ഡില്‍ എഴുതിവെച്ചാണ് മോഷണ സംഘം സ്ഥലം വിട്ടത്. ബോര്‍ഡില്‍ ഏതാനും മൊബൈല്‍ നമ്പറുകളും സംഘം എഴുതിയിരുന്നു.
ജൂലൈ മൂന്നിന് നബ്‌രംഗ്പൂരിലുള്ള ഇന്ദ്രാവതി ഹൈസ്‌ക്കൂളിലായിരുന്നു സിനിമാ സ്‌റ്റൈല്‍ മോഷണം നടന്നത്. സ്‌കൂളില്‍ നിന്ന് കമ്പ്യൂട്ടറുകളും ഫോട്ടോസ്റ്റാറ്റ് മെഷീനുകളും സംഘം കവര്‍ന്നതായി സ്‌കൂള്‍ അധികൃതര്‍ പൊലീസിനോട് പറഞ്ഞു.
