ഐ.പി.എല്ലില്‍ വീണ്ടും കൊവിഡ്; ചെന്നൈയുടെ ബൗളിംഗ് കോച്ച് ബാലാജിയ്ക്ക് രോഗം സ്ഥിരീകരിച്ചു
സ്പോര്‍ട്സ് ഡെസ്‌ക്
Monday, 3rd May 2021, 9:29 pm
മുംബൈ: ഐ.പി.എല്ലില്‍ വീണ്ടും കൊവിഡ് സ്ഥിരീകരണം. ചെന്നൈ സൂപ്പര്‍ കിംഗ്‌സ് ബൗളിംഗ് കോച്ച് ലക്ഷ്മിപതി ബാലാജിയ്ക്ക് കൊവിഡ് സ്ഥിരീകരിച്ചു.
അതേസമയം നിലവില്‍ മറ്റ് ചെന്നൈ താരങ്ങള്‍ക്ക് നെഗറ്റീവാണെന്നും എന്നാല്‍ കൊവിഡ് ലക്ഷണങ്ങള്‍ ആറോ ഏഴോ ദിവസങ്ങള്‍ക്ക് ശേഷമാണ് കാണിക്കുന്നത് എന്നതിനാല്‍ ഡല്‍ഹിയില്‍ മത്സരം തുടരണോ എന്ന് പുനരാലോചിക്കേണ്ടതുണ്ടെന്ന് ബി.സി.സി.ഐ വൃത്തങ്ങള്‍ പറയുന്നു.
മുംബൈയ്‌ക്കെതിരായ ചെന്നൈയുടെ മത്സരം ദല്‍ഹിയില്‍ വെച്ചായിരുന്നു നടന്നത്. മത്സരത്തില്‍ ചെന്നൈയുടെ ഡഗ് ഔട്ടില്‍ മുഴുവന്‍ സമയവും ബാലാജിയുണ്ടായിരുന്നു.
