റിലയന്‍സ് നല്‍കിയ ഭക്ഷണപാക്കറ്റുകളില്‍ ജ്യോതിരാദിത്യ സിന്ധ്യ തന്റെയും മോദിയുടേയും ഫോട്ടോ ഒട്ടിച്ചു; ആരോപണവുമായി കോണ്‍ഗ്രസ്
ഡൂള്‍ന്യൂസ് ഡെസ്‌ക്
Monday, 11th May 2020, 7:45 pm
ഭോപ്പാല്‍: മുന്‍ കോണ്‍ഗ്രസ് നേതാവും ഇപ്പോള്‍ ബി.ജെ.പി നേതാവുമായ ജ്യോതിരാദിത്യ സിന്ധ്യയ്‌ക്കെതിരെ കടുത്ത വിമര്‍ശനവുമായി കോണ്‍ഗ്രസ് രംഗത്ത്. കൊവിഡ് ദുരിതാശ്വാസമായി നല്‍കിയ ഭക്ഷണ കിറ്റ് വിതരണത്തെ ചൊല്ലിയാണ് വിമര്‍ശനം.
കൊവിഡ് ദുരിതാശ്വാസമായി റിലയന്‍സ് ഫൗണ്ടേഷനുകള്‍ നല്‍കിയ ഭക്ഷണ പാക്കറ്റുകളില്‍ നിന്ന് റിലയന്‍സിന്റെ പേര് കീറിയെടുത്ത് തന്റെയും നരേന്ദ്രമോദിയുടെയും ചിത്രം ഒട്ടിച്ച് ജ്യോതിരാദിത്യ സിന്ധ്യ വിതരണം ചെയ്തുവെന്നാണ് കോണ്‍ഗ്രസ് ആരോപണം. ഇതുമായി ബന്ധപ്പെട്ട് വീഡിയോയും കോണ്‍ഗ്രസ് പുറത്തുവിട്ടു.
