ഇംഫാല്‍: മണിപ്പൂരില്‍ ബി.ജെ.പി നേതൃത്വത്തിലുള്ള ബൈറന്‍ സിംഗ് സര്‍ക്കാരിന് വിശ്വാസവോട്ടെടുപ്പില്‍ ജയം. പ്രത്യേക നിയമസഭാ സമ്മേളനത്തില്‍ ശബ്ദവോട്ടെടുപ്പോടെയാണ് വിശ്വാസപ്രമേയം ബൈറന്‍ സിംഗ് സര്‍ക്കാര്‍ പാസാക്കിയത്.
അതേസമയം തങ്ങളുടെ അവിശ്വാസപ്രമേയം അനുവദിക്കാത്തതില്‍ പ്രതിപക്ഷം സ്പീക്കര്‍ക്ക് നേരെ പ്രതിഷേധമുയര്‍ത്തി. സ്പീക്കര്‍ക്ക് നേരെ പ്രതിപക്ഷാംഗങ്ങള്‍ കസേര വലിച്ചെറിഞ്ഞു.
Manipur BJP govt has won the trust vote. The ayes have it! Devious plans of Congress to destabilise the Govt have failed. Congrats CM @NBirenSingh ji.
— Rajat Sethi (@RajatSethi86) August 10, 2020
അതേസമയം വിശ്വാസവോട്ടെടുപ്പില്‍ തങ്ങള്‍ ജയിച്ചത് ആവശ്യത്തിന് പിന്തുണ ഉള്ളതിനാലാണെന്ന് ബൈറന്‍ സിംഗ് പ്രതികരിച്ചു.
60 അംഗ നിയമസഭയില്‍ നിലവില്‍ 53 അംഗങ്ങളാണുള്ളത്. ബി.ജെ.പിക്ക് 18ഉം കോണ്‍ഗ്രസിന് 24ഉം. മൂന്ന് എം.എല്‍.എമാര്‍ രാജിവയ്ക്കുകയും നാല് പേരെ കൂറുമാറ്റ നിയമം അനുസരിച്ച് അയോഗ്യരാക്കുകയും ചെയ്തിരുന്നു.
