ഇന്തോ- പസഫിക് മേഖലക്ക് നേരെയുള്ള കണ്ണാടിയാണ് ഉക്രൈന്‍; ചൈനീസ് വിദേശകാര്യ മന്ത്രാലയ വക്താവ്
ഡൂള്‍ന്യൂസ് ഡെസ്‌ക്
Monday, 21st March 2022, 10:04 am
ബീജിങ്: ഇപ്പോഴത്തെ റഷ്യ- ഉക്രൈന്‍ സംഘര്‍ഷ വിഷയം ഏഷ്യാ- പസഫിക് മേഖലക്ക് നേരെയുള്ള കണ്ണാടിയാണെന്ന് ചൈനയുടെ വിദേശകാര്യ സഹമന്ത്രി.
‘ക്വാഡ്’ അടക്കമുള്ള സെക്യൂരിറ്റി ഡയലോഗുകളെ, റഫര്‍ ചെയ്തുകൊണ്ടായിരുന്നു ചൈനീസ് പ്രതിനിധിയുടെ പ്രതികരണം.
യൂറോപ്പില്‍ നാറ്റോ അവരുടെ സ്വാധീനം വ്യാപിപ്പിക്കുമ്പോള്‍, ഇന്തോ- പസഫിക് മേഖലയില്‍ (ചൈന ഈ പ്രദേശത്തെ വിളിക്കുന്നത് ഏഷ്യാ- പസഫിക് എന്നാണ്) ചെറിയ ബ്ലോക്കുകളാണ് ക്രിയേറ്റ് ചെയ്യപ്പെടുന്നത്, എന്നായിരുന്നു ലെ യുചെങിന്റെ പ്രതികരണം.
”ഏഷ്യാ- പസഫിക് മേഖലയിലെ സാഹചര്യത്തെക്കുറിച്ച് നിരീക്ഷിക്കാനുള്ള ഒരു കണ്ണാടി ഉക്രൈന്‍ പ്രശ്‌നം നമുക്ക് തരുന്നുണ്ട്. ഏഷ്യാ- പസഫിക് മേഖലയില്‍ ഇങ്ങനെയൊരു പ്രശ്‌നം സംഭവിച്ചേക്കാവുന്നതിനെ എങ്ങനെ തടയുമെന്നാണ് ചോദിക്കുന്നത്,” ലെ യുചെങ് പറഞ്ഞു.
