സ്പോര്‍ട്സ് ഡെസ്‌ക്2 min
ഈ വര്‍ഷത്തെ ഐ.പി.എല്‍ കിരീടം എന്തു വിലകൊടുത്തും സ്വന്തമാക്കാമുള്ള പദ്ധതിയുമായാണ് സണ്‍ റൈസേഴ്‌സ് ഹൈദരാബാദ് മുന്നോട്ട് കുതിക്കുന്നത്. ടീമിന്റെ പ്ലെയിംഗ് ഇലവനെ മാത്രമല്ല, പരിശീലകന്‍ മുതല്‍ സപ്പോര്‍ട്ടിംഗ് സ്റ്റാഫുകളെ വരെ സ്ട്രാറ്റജിക്കായി നിയമിച്ചാണ് സണ്‍ റൈസേഴ്‌സിന്റെ പടയൊരുക്കം.
ടീമിന്റെ ഉടച്ചുവാര്‍ക്കലിന്റെ ഭാഗമായി പരിശീലകസ്ഥാനത്തേക്ക് ടോം മൂഡി തിരിച്ചെത്തിച്ചാണ് സണ്‍ റൈസേഴ്‌സ് മാനേജ്‌മെന്റ് പദ്ധതികള്‍ക്ക് തുടക്കമിട്ടത്.
മൂഡിയെ കൂടാതെ കരീബിയന്‍ ഇതിഹാസം ബ്രയാന്‍ ലാറയേയും സണ്‍ റൈസേഴ്‌സ് ടീമിലേക്കെത്തിച്ചിട്ടുണ്ട്. ടീമിന്റെ ബാറ്റിംഗ് കോച്ചായും സ്ട്രാറ്റജിക് അഡൈ്വസറുമായാണ് നിയമിക്കപ്പെട്ടിട്ടുള്ളത്.
മൂഡിക്കും ലാറയ്ക്കും പുറമെ മുന്‍ ഓസ്‌ട്രേലിയന്‍ പടനായകന്‍ സൈമണ്‍ കാറ്റിച്ചും സണ്‍ റൈസേഴ്‌സ് പടയുടെ ഭാഗമാവുന്നുണ്ട്. അസിസ്റ്റന്റ് പരിശീലകനായാണ് കാറ്റിച്ച് ചുമതലയേറ്റിരിക്കുന്നത്. ഡെയ്ല്‍ സ്റ്റെയ്‌നെ ബൗളിംഗ് കോച്ചായും സണ്‍ റൈസേഴ്‌സ് നേരത്തെ നിയമിച്ചിരുന്നു.
Introducing the new management/support staff of SRH for #IPL2022!
Orange Army, we are #ReadyToRise! 🧡@BrianLara #MuttiahMuralitharan @TomMoodyCricket @DaleSteyn62 #SimonKatich @hemangkbadani pic.twitter.com/Yhk17v5tb5
— SunRisers Hyderabad (@SunRisers) December 23, 2021
സ്പിന്‍ ഇതിഹാസം മുത്തയ്യ മുരളീധരനാണ് ടീമിന്റെ സ്പിന്‍ ഡിപ്പാര്‍ട്ട്‌മെന്റിന്റെ ചുമതല. മുന്‍ ഇന്ത്യന്‍ താരം ഹെമാംഗ് ബദാനിയെ ടീമിന്റെ ഫീല്‍ഡിംഗ് കോച്ചായും നിയമിച്ചിരുന്നു.
സണ്‍ റെസേഴ്‌സ് സപ്പോര്‍ട്ടിംഗ് സ്റ്റാഫ്
ടോം മൂഡി – ഹെഡ് കോച്ച്
സൈമണ്‍ കാറ്റിച്ച് – അസിസ്റ്റന്റ് കോച്ച്
ബ്രയാന്‍ ലാറ – ബാറ്റിംഗ് കോച്ച് ആന്റ് സ്ട്രാറ്റജിക് അഡൈ്വസര്‍
ഡെയല്‍ സ്‌റ്റെയ്ന്‍ – ബൗളിംഗ് കോച്ച് (പേസ്)
മുത്തയ്യ മുരളീധരന്‍ – സ്ട്രാറ്റജി ആന്റ് ബൗളിംഗ് കോച്ച് (സ്പിന്‍)
ഹെമാംഗ് ബദാനി – ഫീല്‍ഡിംഗ് കോച്ച്
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlight: Brian Lara, Simon Katich join Sunrisers Hyderabad for IPL 2022
