മുഖ്യമന്ത്രിയെ നീക്കണമെന്നാവശ്യപ്പെട്ട് പ്രധാനമന്ത്രിയ്ക്ക് കത്തെഴുതി; ഉത്തരാഖണ്ഡില്‍ ബി.ജെ.പി മുന്‍ മന്ത്രിയെ പാര്‍ട്ടിയില്‍ നിന്ന് പുറത്താക്കി
ഡൂള്‍ന്യൂസ് ഡെസ്‌ക്
Friday, 13th November 2020, 5:48 pm
ഉത്തരാഖണ്ഡ്: ഉത്തരാഖണ്ഡ് മുഖ്യമന്ത്രി ത്രിവേന്ദ്ര സിംഗ് റാവത്തിനെതിരെ പ്രധാനമന്ത്രി നരേന്ദ്രമോദിയ്ക്ക് കത്തെഴുതിയ ബി.ജെ.പി നേതാവും മുന്‍മന്ത്രിയുമായ ലഖിറാം ജോഷിയെ പാര്‍ട്ടിയില്‍ നിന്ന് പുറത്താക്കി. അച്ചടക്ക ലംഘനത്തിന്റെ പേരിലാണ് സസ്‌പെന്‍ഷന്‍.
‘പാര്‍ട്ടിയില്‍ അച്ചടക്കം പ്രധാനമാണ്. അക്കാര്യത്തില്‍ യാതൊരു വിട്ടുവീഴ്ചയ്ക്കും തയ്യാറല്ല. ജോഷിയെ പാര്‍ട്ടിയില്‍ നിന്ന് സസ്‌പെന്‍ഡ് ചെയ്തിരിക്കുകയാണ്. ഇതുസംബന്ധിച്ച് അദ്ദേഹത്തിന് നോട്ടീസ് അയച്ചിട്ടുണ്ട്. വിശദീകരണം നല്‍കാന്‍ 7 ദിവസത്തെ സമയവും നല്‍കിയിട്ടുണ്ട്’, ബി.ജെ.പി സംസ്ഥാന പ്രസിഡന്റ് ബന്‍സിധര്‍ ഭഗത് പറഞ്ഞു.
