ശ്രീനഗര്‍: കോണ്‍ഗ്രസ് നേതാവ് രാഹുല്‍ ഗാന്ധി നയിക്കുന്ന ഭാരത് ജോഡോ യാത്ര താല്‍ക്കാലികമായി നിര്‍ത്തിവെച്ചു.
മതിയായ സുരക്ഷാ കാരണങ്ങള്‍ ഒരുക്കാത്തതിനാലാണ് യാത്ര നിര്‍ത്തിവെക്കുന്നതെന്ന് കോണ്‍ഗ്രസ് വൃത്തങ്ങള്‍ അറിയിച്ചു. യാത്ര കശ്മീരിലേക്ക് യാത്ര പ്രവേശിക്കാനിരിക്കെയാണ് നടപടി.
ജമ്മുവിലെ പര്യടനത്തിനിടെ ബനിഹാലില്‍ വെച്ച് ജനക്കൂട്ടം യാത്രയില്‍ ഇരച്ച് കയറിയിരുന്നു. ഇത് വലിയ സുരക്ഷാ പാളിച്ചയാണെന്ന് കോണ്‍ഗ്രസ് വിമര്‍ശിച്ചു.
ഈ മാസം 30ന് ശ്രിനഗറിലാണ് ജോഡോ യാത്ര സമാപിക്കുമെന്നാണ് നേരത്തെ തീരുമാനിച്ചിരുന്നത്.
ശക്തമായ സുരക്ഷയാണ് കശ്മീരില്‍ ജോഡോ യാത്രക്ക് ഒരുക്കിയിരുന്നത്. ജമ്മുവിലെ പ്രകൃതി ക്ഷോഭത്തെ തുടര്‍ന്ന് യാത്ര രണ്ട് ദിവസത്തേക്ക് നിര്‍ത്തിവെച്ചിരിക്കുകയായിരുന്നു. ഇന്ന് വീണ്ടും യാത്ര തുടങ്ങുകയായിരുന്നു.
