അണ്ണാത്തെ വന്തിട്ടാടാ....; രജനികാന്ത് ചിത്രം അണ്ണാത്തെയുടെ ടീസര്‍ പുറത്തിറങ്ങി
എന്റര്‍ടെയിന്‍മെന്റ് ഡെസ്‌ക്
Thursday, 14th October 2021, 7:18 pm
സൂപ്പര്‍സ്റ്റാര്‍ രജനികാന്ത് നായകനാവുന്ന ‘അണ്ണാത്തെ’യുടെ ടീസര്‍ പുറത്തിറങ്ങി. സണ്‍ ടി.വിയുടെ ഒഫീഷ്യല്‍ യൂട്യൂബ് ചാനലിലൂടെയാണ് ടീസര്‍ പ്രേക്ഷകരിലേക്കെത്തിയിരിക്കുന്നത്
രജനികാന്ത് സിനിമകളെ പോലെ മാസ് എന്റര്‍ടെയ്‌നര്‍ തന്നെയാവും അണ്ണാത്തെ എന്ന് അടിവരയിടുന്ന തരത്തിലുള്ള രംഗങ്ങളാണ് ടീസറിലുള്ളത്. സിരുത്തൈ ശിവയുടെ സംവിധാനത്തിലൊരുങ്ങുന്ന ചിത്രം ഏറെ പ്രതീക്ഷയോടെയാണ് കോളിവുഡ് നോക്കിക്കാണുന്നത്.
6 ലക്ഷത്തിലധികം ആളുകള്‍ ഇതിലോടകം തന്നെ ടീസര്‍ കണ്ടു കഴിഞ്ഞു. മികച്ച പ്രതികരണമാണ് ടീസറിന് എല്ലാ കോണുകളില്‍ നിന്നും കിട്ടിക്കൊണ്ടിരിക്കുന്നത്.
