ലിയോയുടെ മാസ് കഴിഞ്ഞു, ഇനി ഫാമിലിമാന്‍ പാര്‍ത്ഥി; അന്‍പേനും പാട്ട് റിലീസ് ഡേറ്റ് പുറത്ത്
എന്റര്‍ടെയിന്‍മെന്റ് ഡെസ്‌ക്
Tuesday, 10th October 2023, 8:15 pm
ലിയോയിലെ മൂന്നാമത്തെ പാട്ട് റിലീസിനൊരുങ്ങുന്നു. അന്‍പേനും എന്ന പാട്ട് ഒക്ടോബര്‍ 11ന് റിലീസ് ചെയ്യും. വിജയ്‌ക്കൊപ്പം തൃഷയും ബാലതാരം പുയലും നില്‍ക്കുന്ന പോസ്റ്റര്‍ പുറത്ത് വിട്ടുകൊണ്ടാണ് നിര്‍മാണ കമ്പനിയായ സെവന്‍ സ്‌ക്രീന്‍സ് സ്റ്റുഡിയോ പുതിയ അപ്‌ഡേറ്റ് അറിയിച്ചത്.
ഒക്ടോബര്‍ 19നാണ് ചിത്രം റിലീസ് ചെയ്യുന്നത്. ചിത്രത്തിന്റെ ഫാന്‍സ് ഷോകളുടെ ടിക്കറ്റുകള്‍ മാസങ്ങള്‍ക്ക് മുമ്പ് തന്നെ വിറ്റുപോയിരുന്നു.
ഇതിനോടകം തന്നെ ഒരു അന്യഭാഷാ ചിത്രത്തിന് ലഭിക്കുന്ന ഏറ്റവും കൂടുതല്‍ ഫാന്‍സ് ഷോകള്‍ എന്ന റെക്കോഡിലേക്ക് ലിയോ എത്തികഴിഞ്ഞു. 425ഫാന്‍സ് ഷോകളാണ് റിലീസിന് ഒമ്പത് ദിവസം മുമ്പ് തന്നെ ലിയോക്കായി ചാര്‍ട്ട് ചെയ്തിരിക്കുന്നത്.
