സി.പി.ഐ മാവോയിസ്റ്റിനെ ഭീകരപ്പട്ടികയില്‍ ഉള്‍പ്പെടുത്തി അമേരിക്ക
ഡൂള്‍ന്യൂസ് ഡെസ്‌ക്
Wednesday, 6th November 2019, 3:03 pm
വാഷിങ്ടണ്‍: കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ മാവോയിസ്റ്റിനെ ഭീകരപ്പട്ടികയില്‍ ഉള്‍പ്പെടുത്തി അമേരിക്ക. ലോകത്തുള്ള ഭീകരസംഘടനകളില്‍ ആറാം സ്ഥാനത്താണ് സി.പി.ഐ മാവോയിസ്റ്റിനെ ഉള്‍പ്പെടുത്തിയിരിക്കുന്നത്.
താലിബാന്‍ (അഫ്ഗാനിസ്ഥാന്‍), ഐ.എസ്, അല്‍-ശബാബ് (ആഫ്രിക്ക), ബോകോ ഹറം( ആഫ്രിക്ക), ഫിലിപ്പീന്‍ കമ്മ്യൂണിസ്റ്റ് പാര്‍ട്ടി എന്നിവയാണ് ആദ്യമുള്ള അഞ്ച് ഭീകരസംഘടനകള്‍.
യു.എസ് ഡിപ്പാര്‍ട്ട്‌മെന്റിന്റെ കണക്കു പ്രകാരം 2018ല്‍ സി.പി.ഐ മാവോയിസ്റ്റ് 177 ഭീകര പ്രവര്‍ത്തനങ്ങളിലായി 311 പേരെ കൊലപ്പെടുത്തിയിട്ടുണ്ട്.
