മമ്മൂക്ക ഒരു യൂണിവേഴ്‌സിറ്റിയാണ്; പലപ്പോഴും എന്റെ കയ്യും കാലും വിറച്ചിട്ടുണ്ട്: ഷൈനി സാറ
എന്റര്‍ടെയിന്‍മെന്റ് ഡെസ്‌ക്
Friday, 9th December 2022, 11:45 pm
നിരവധി സിനിമകളില്‍ അഭിനയിച്ച് പ്രേക്ഷക ശ്രദ്ധ നേടിയ താരമാണ് ഷൈനി സാറ. മമ്മൂട്ടിയുടെ കൂടെ അഭിനയിച്ചതിന്റെ അനുഭവങ്ങള്‍ പറയുകയാണ് നടി. ഇന്ത്യ ഗ്ലിറ്റ്‌സിന് നല്‍കിയ അഭിമുഖത്തിലാണ് ഇക്കാര്യങ്ങള്‍ പറഞ്ഞത്.
”മമ്മൂക്ക അഭിനയിക്കുന്നത് ഞാന്‍ അന്തം വിട്ട് കണ്ടിട്ടുണ്ട്. മമ്മൂക്ക അഭിനയിക്കുമ്പോള്‍ എന്തെങ്കിലും തെറ്റുന്നുണ്ടോയെന്നൊക്കെ നോക്കാനാണ് ഞാന്‍ അസിസ്റ്റന്റ് ഡയറക്ടറായ ചിത്രത്തില്‍ എന്നോട് പറഞ്ഞത്. എന്നാല്‍ അന്ന് എനിക്ക് അദ്ദേഹത്തെ നോക്കി ഇരിക്കാനെ പറ്റിയുള്ളു.
മമ്മൂക്കയുടെ കൂടെ ഞാന്‍ ആദ്യമായിട്ട് അഭിനയിക്കുന്നത് പുള്ളിക്കാരന്‍ സ്റ്റാറാണ് എന്ന ചിത്രത്തിലാണ്. എന്നെക്കുറിച്ച് ഒരാളോട് ചോദിക്കുകയും എന്റെ അഭിനയം കൊള്ളാമെന്നൊക്കെ പറഞ്ഞു. പക്ഷെ നമ്മളുടെ കൂടെ അഭിനയിക്കുമ്പോള്‍ അതിന്റെ ഒരു സുചന പോലും തരില്ല.
