ഒന്നിനും കൊള്ളാത്തവളെന്ന് പറഞ്ഞു, ആരുമില്ലാതെ നിസഹായയായി നിന്ന് കരയേണ്ടി വന്നു; പിന്നോട്ടില്ലെന്ന് ഉറപ്പിച്ച് പോരാടിയെന്നും നടി മന്യ
എന്റര്‍ടെയിന്‍മെന്റ് ഡെസ്‌ക്
Wednesday, 14th July 2021, 11:37 am
ജീവിതത്തില്‍ ഇതുവരെ നേരിട്ട പ്രതിസന്ധികളെ കുറിച്ചും അവയെ തരണം ചെയ്തതിനെ കുറിച്ചും തുറന്നുപറഞ്ഞ് നടി മന്യ. സോഷ്യല്‍ മീഡിയയില്‍ സജീവമായ നടി വ്യക്തിജീവിതത്തിലും പ്രൊഫഷണല്‍ രംഗത്തും നേരിട്ട വെല്ലുവിളികളെ കുറിച്ച് ഇന്‍സ്റ്റഗ്രാമിലൂടെയായിരുന്നു പങ്കുവെച്ചത്.
‘ജീവിതം എനിക്കൊരിക്കലും എളുപ്പമുള്ളതായിരുന്നില്ല. അച്ഛനെ നഷ്ടപ്പെട്ടതിന് ശേഷം ഒറ്റയ്‌ക്കൊരു ജീവിതം കെട്ടിപ്പടുക്കുന്നതിനിടയില്‍ ഒരുപാട് തവണ പരാജയപ്പെട്ടിട്ടുണ്ട്.
ഞാനൊരു വലിയ തോല്‍വി മാത്രമാണെന്ന് തോന്നിപ്പോയ ദിവസങ്ങളുണ്ട്. ഞാനൊന്നിനും കൊള്ളാത്തവളാണെന്ന് പറഞ്ഞ ഒരുപാട് പേരുണ്ട്.
ഞാന്‍ ഒറ്റപ്പെട്ടുപോയിട്ടുണ്ട്. നിസഹായയായിട്ടുണ്ട്. ഇരുന്നു കരഞ്ഞിട്ടുണ്ട്. പക്ഷെ എന്റെ പോരാട്ടത്തില്‍ നിന്ന് പിന്മാറില്ലെന്ന് ഞാന്‍ ഉറപ്പിച്ചതാണ്. എന്റെ അവസാന ശ്വാസം വരെ ആ പോരാട്ടം തുടരും.
