'എല്ലാ പടത്തിലും ഒരേ അഭിനയം തന്നെ'; ആ വിമര്‍ശനങ്ങളാണ് ചുപ് പോലുള്ള സിനിമകള്‍ ചെയ്യാന്‍ എന്നെ പ്രാപ്തനാക്കിയത്: ദുല്‍ഖര്‍
എന്റര്‍ടെയിന്‍മെന്റ് ഡെസ്‌ക്
Saturday, 24th September 2022, 7:45 pm
ചില വേഷങ്ങള്‍ മാത്രമാണ് തനിക്ക് ചെയ്യാന്‍ പറ്റുക എന്ന് പറഞ്ഞ് പലരും പണ്ട് വിമര്‍ശിച്ചപ്പോള്‍ ഒരുപാട് വേദനയുണ്ടായിട്ടുണ്ടെന്ന് പറയുകയാണ് ദുല്‍ഖര്‍ സല്‍മാനിപ്പോള്‍. പുതിയ സിനിമ ചുപിനെക്കുറിച്ച് ഗോള്‍ഡ് എഫ്.എമ്മിന് നല്‍കിയ അഭിമുഖത്തിലാണ് തന്നെ വേദനിപ്പിച്ച നെഗറ്റീവ് കമന്റ്‌സിനെക്കുറിച്ച് താരം തുറന്ന് പറഞ്ഞത്.
വിമര്‍ശനങ്ങള്‍ കാണുമ്പോള്‍ എനിക്ക് എപ്പോഴും നെഗറ്റീവ് ഉണ്ടാവാറുണ്ട്. ഭയങ്കര ബുദ്ധിമുട്ട് ഉള്ള കാര്യമാണത്. ഒരു ചെറിയ ഭാഗമായാലും വിമര്‍ശിക്കുന്നതും വേദനിപ്പിക്കുന്ന രീതിയില്‍ സംസാരിക്കുന്നതും കാണുമ്പോള്‍ എനിക്ക് വല്ലാതെ നെഗറ്റീവ് തോന്നും.
പറയുന്നത് ഉള്ള കാര്യം തന്നെയാകും. എന്ത് കാരണം കൊണ്ട് പറയുന്നതായാലും ബുദ്ധിമുട്ടാണ്. അന്നും ഇന്നും ഞാന്‍ കമന്റ്‌സ് വായിക്കും. അത് വായിക്കുന്നത് കൊണ്ടാണ് ഞാന്‍ ചുപ് പോലും ചെയ്തത്.
വിമര്‍ശകര്‍ തന്നെയാണ് അതിന് പിന്നില്‍. എനിക്ക് ഇതുപോലുള്ള സിനിമകള്‍ ചെയ്യാന്‍ പറ്റില്ല, ചില വേഷങ്ങള്‍ മാത്രമാണ് ചെയ്യാന്‍ പറ്റുക. ചില കഥാപാത്രങ്ങള്‍ മാത്രമാണ് ഞാന്‍ സെലക്ട് ചെയ്യാറുള്ളൂ, എല്ലാ സിനിമയിലും ഇത് തന്നെയല്ലെ തുടങ്ങിയ പല വിമര്‍ശനങ്ങളും കാണുമ്പോള്‍ ഞാന്‍ വിചാരിക്കും എന്നാല്‍ അടുത്ത സിനിമയില്‍ മാറ്റി പിടിക്കാമെന്ന്.
അത് പക്ഷേ എന്റെ മുഖത്ത് ഉണ്ടായിരിക്കും എങ്ങനെ പ്രകടിപ്പിക്കണമെന്ന് എനിക്ക് അറിയില്ല. എന്ന് വെച്ച് അതിന് ഞാന്‍ ആരെയും വിളിച്ച് ചീത്ത പറയുകയോന്നുമില്ല.