'' ഞാനൊരു മോശം നടനും സംവിധായകനുമായിരിക്കാം അതുകൊണ്ടാവാം ഒഴിവാക്കിയത്''; താരങ്ങളുടെ ഒത്തു ചേരലില്‍ നിന്ന് ഒഴിവാക്കിയതില്‍ പ്രതികരിച്ച് പ്രതാപ് പോത്തന്‍
ഡൂള്‍ന്യൂസ് ഡെസ്‌ക്
Tuesday, 26th November 2019, 2:57 pm
എണ്‍പതുകളില്‍ സിനിമയില്‍ എത്തിയ താരങ്ങളുടെ ഒത്തുചേരലില്‍ തന്നെ ക്ഷണിച്ചില്ലെന്ന് പ്രതാപ് പോത്തന്‍. തന്റെ ഫേസ്ബുക്ക് പേജിലൂടെയാണ് പ്രതാപ് പോത്തന്‍ ഇക്കാര്യം പറഞ്ഞത്.
ഞാന്‍ ഒരു മോശം സംവിധായകനും നടനുമായിരിക്കാം അതുകൊണ്ട് അവര്‍ അവരുടെ ഒത്തുകൂടലില്‍ എന്നെ ക്ഷണിച്ചില്ല. ഞാന്‍ ദു:ഖിതനാണ്.പ്രതാപ് പോത്തന്‍ ഫേസ്ബുക്ക് പോസ്റ്റില്‍ പറയുന്നു.
പ്രതാപ് പോത്തന്റെ പോസ്റ്റിന് താഴെ ബാബു ആന്റണി അദ്ദേഹത്തെ പിന്തുണച്ചുകൊണ്ട് കമന്റ് ചെയ്തിട്ടുണ്ട്.
”അവര്‍ ആരാണെന്ന് എനിക്കറിയില്ല! … അവഗണിക്കുക .. നിങ്ങള്‍ ഇന്നത്തെ അവസ്ഥയിലേക്ക് എത്തുന്നതില്‍ അവര്‍ സംഭാവന നല്‍കിയിട്ടില്ല .. നിങ്ങള്‍ ഒരു നല്ല സംവിധായകനും നടനുമാണ് ”.
ബാബു ആന്റണിയുടെ കമന്റ് ഇങ്ങനെയാണ്
