കഴിഞ്ഞ വര്‍ഷം കോര്‍ട്ട് 12ന് സമീപം ഇത്തരത്തിലുള്ള മുറികള്‍ ആളുകള്‍ ലൈംഗിക ബന്ധത്തിന് ഉപയോഗിച്ചിരുന്നതായി റിപ്പോര്‍ട്ടുകളുണ്ടായിരുന്നു. ഇത് മറ്റുള്ളവര്‍ക്ക് ബുദ്ധിമുട്ടുണ്ടാക്കുമെന്ന് കാണിച്ചാണ് വിംബിള്‍ഡണ്‍ കര്‍ശന നിര്‍ദേശം നല്‍കിയിരിക്കുന്നത്.
ക്വയറ്റ് റൂമുകളുടെ ‘പവിത്രത’ കാത്തുസൂക്ഷിക്കണമെന്ന് ഓള്‍ ഇംഗ്ലണ്ട് ലോണ്‍ ടെന്നീസ് ക്ലബ്ബ് ചീഫ് സെക്രട്ടറി സാലി ബോള്‍ട്ടണ്‍ വ്യക്തമാക്കി.
‘ഇത് വളരെ പ്രധാനപ്പെട്ട ഒരു സ്ഥലമാണ്. അതുകൊണ്ടുതന്നെ ആളുകള്‍ അത് ശരിയായ വിധത്തിലാണ് ഉപയോഗിക്കുന്നതെന്ന് ഞങ്ങള്‍ ഉറപ്പാക്കും,’ സാലി ബോള്‍ട്ടണ്‍ ടെലിഗ്രാഫിനോട് പറഞ്ഞു.
‘ആളുകള്‍ക്ക് പ്രാര്‍ത്ഥിക്കാന്‍ സൗകര്യം ആവശ്യമുണ്ടെങ്കില്‍ അതിന് ഏറ്റവും അഭികാമ്യമായ സ്ഥലം ഈ ക്വയറ്റ് റൂമുകളാണ്. അവിടെ അമ്മമാര്‍ക്ക് മുലയൂട്ടാനുള്ള സൗകര്യവും ഉണ്ടായിരിക്കും. എന്നാല്‍ അത് ശരിയായ വിധത്തില്‍ വേണം ഉപയോഗിക്കാന്‍,’ ബോള്‍ട്ടണ്‍ കൂട്ടിച്ചേര്‍ത്തു.
