പേരിനോട് നീതി പുലര്‍ത്തുന്ന കിടിലന്‍ ഐറ്റം; വിചിത്രം ട്രെയ്‌ലറും റിലീസ് തീയതിയും പുറത്തുവിട്ടു
എന്റര്‍ടെയിന്‍മെന്റ് ഡെസ്‌ക്
Saturday, 8th October 2022, 8:42 pm
മലയാളി പ്രേക്ഷകരുടെ പ്രിയ താരങ്ങളായ ഷൈന്‍ ടോം ചാക്കോയും കനി കുസൃതിയും ഒരുമിച്ചെത്തുന്ന ചിത്രം വിചിത്രത്തിന്റെ ട്രെയ്ലര് പുറത്തുവിട്ടു. ഒക്ടോബര്‍ 14നാണ് ചിത്രം തിയേറ്ററുകളിലെത്തുന്നത്.
പേരിനോട് നീതി പുലര്‍ത്തുന്ന വെറൈറ്റി ട്രെയ്ലര് എന്നാണ് പ്രേക്ഷകര്‍ പ്രതികരിക്കുന്നത്. പ്രമേയം കൊണ്ടും അവതരണം കൊണ്ടും തീര്‍ത്തും വ്യത്യസ്തമായ ഒരു ചിത്രമായിരിക്കും വിചിത്രമെന്നാണ് ട്രെയ്ലര് നല്‍കുന്ന സൂചന.
നേരത്തെ തന്നെ പേരുകൊണ്ടും പോസ്റ്ററിന്റെ പ്രത്യേകതകള്‍ കൊണ്ടും വിചിത്രം ശ്രദ്ധ നേടിയിരുന്നു. അച്ചു വിജയനാണ് ചിത്രം സംവിധാനം ചെയ്യുന്നത്.
ജോയ് മൂവി പ്രൊഡക്ഷന്‍സിന്റെ ബാനറില്‍ ഡോക്ടര്‍ അജിത് ജോയും അച്ചു വിജയനും ചേര്‍ന്നാണ് ചിത്രം നിര്‍മിക്കുന്നത്.
