മലയാളത്തിലെ യുവ നടന്മാരില്‍ ഏറ്റവും പ്രശസ്തരായവരാണ് ഫഹദ് ഫാസിലും ദുല്‍ഖര്‍ സല്‍മാനും. ഇരുവരും മലയാള സിനിമകള്‍ക്ക് പുറമെ മറ്റ് ഇന്‍ഡസ്ട്രികളിലും അഭിനയിച്ചിട്ടുണ്ട്. ആ സിനിമകളിലൂടെ വലിയ രീതിയില്‍ ശ്രദ്ധനേടാന്‍ ഇരുവര്‍ക്കും സാധിച്ചിട്ടുണ്ട്.
മലയാള നടന്മാരില്‍ തനിക്ക് ഏറ്റവും ഇഷ്ടമുള്ളവരെ കുറിച്ച് പറയുകയാണ് നടി തമന്ന. ഫഹദ് ഫാസിലിനെ തനിക്ക് ഇഷ്ടമാണെന്നും കൂടെ അഭിനയിക്കണമെന്ന് താന്‍ ആഗ്രഹിക്കുന്ന അഭിനേതാക്കളില്‍ ഒരാളാണ് ഫഹദെന്നുമാണ് നടി പറയുന്നത്.
ഒരു പെര്‍ഫോമറെന്ന നിലയില്‍ തനിക്ക് ഫഹദിനെ വളരെ ഇഷ്ടമാണെന്നും രാജ്യത്തെ ഏറ്റവും മികച്ച അഭിനേതാക്കളില്‍ ഒരാളാണ് ഫഹദ് ഫാസിലെന്നും തമന്ന പറയുന്നു.
ന്യൂസ് 18ന് നല്‍കിയ അഭിമുഖത്തില്‍ ദുല്‍ഖര്‍ സല്‍മാനെ കുറിച്ചും നടി സംസാരിച്ചു. ഇന്നത്തെ തലമുറക്ക് മലയാള അഭിനേതാക്കളെ പറ്റിയുള്ള ധാരണ മാറ്റിയത് ദുല്‍ഖറാണെന്നും തനിക്ക് ദുല്‍ഖറിനൊപ്പവും വര്‍ക്ക് ചെയ്യാന്‍ ആഗ്രഹമുണ്ടെന്നും തമന്ന കൂട്ടിച്ചേര്‍ത്തു.
‘ഫഹദ് ഫാസിലിനെ എനിക്ക് ഇഷ്ടമാണ്. കൂടെ അഭിനയിക്കണമെന്ന് ഞാന്‍ ആഗ്രഹിക്കുന്ന അഭിനേതാക്കളില്‍ ഒരാളാണ് ഫഹദ്. ഒരു പെര്‍ഫോമര്‍ എന്ന നിലയില്‍ എനിക്ക് അദ്ദേഹത്തെ വളരെ ഇഷ്ടമാണ്. രാജ്യത്തെ ഏറ്റവും മികച്ച അഭിനേതാക്കളില്‍ ഒരാളാണ് ഫഹദ് ഫാസിലെന്ന് എനിക്ക് തോന്നിയിട്ടുണ്ട്.
അതുപോലെ തന്നെയാണ് ദുല്‍ഖറിന്റെയും കാര്യം. എനിക്ക് ദുല്‍ഖറിനേയും ഇഷ്ടമാണ്. ഇന്നത്തെ തലമുറക്ക് മലയാളം അഭിനേതാക്കളെ പറ്റിയുള്ള ധാരണ മാറ്റിയത് തന്നെ ദുല്‍ഖറാണ്. അദ്ദേഹം സത്യത്തില്‍ ഒരു പാന്‍ ഇന്ത്യന്‍ ആക്ടറാണ്. എല്ലാവര്‍ക്കും ദുല്‍ഖറിനെ അറിയാം. എനിക്ക് ദുല്‍ഖറിനും ഫഹദിനും ഒപ്പം വര്‍ക്ക് ചെയ്യാന്‍ ആഗ്രഹമുണ്ട്,’ തമന്ന പറയുന്നു.
Content Highlight: Thamanna Talks About Dulquer Salmaan And Fahadh Faasil
