അധികാരത്തില്‍ ഏറിയത് മുതല്‍ മോദി സര്‍ക്കാര്‍ രാജ്യത്തോട് ചെയ്തുവെച്ച ക്രൂരതകള്‍; വര്‍ഗീയ വിദ്വേഷം, ഭയപ്പെടുത്തല്‍, ആക്രമണം; വെളിപ്പെടുത്തി റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Saturday, 20th February 2021, 1:19 pm
ന്യൂയോര്‍ക്ക്: പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള സര്‍ക്കാര്‍ 2014ല്‍ അധികാരത്തില്‍ വന്നതിനുശേഷം മതന്യൂനപക്ഷങ്ങളോടുള്ള വിവേചനം നിയമാനുസൃതമാക്കിയെന്ന് ഹ്യൂമന്‍ റൈറ്റ്സ് വാച്ച് .
അക്രമാസക്തമായ ഹിന്ദു ദേശീയതയെ വളരാന്‍ ബി.ജെ.പി സര്‍ക്കാര്‍ അനുവദിച്ചെന്നും റിപ്പോര്‍ട്ടില്‍ പറയുന്നുണ്ട്.
ബി.ജെ.പി സര്‍ക്കാരിന്റെ പ്രവര്‍ത്തനങ്ങള്‍ വര്‍ഗീയ വിദ്വേഷം ജനിപ്പിക്കുകയും സമൂഹത്തില്‍ ആഴത്തിലുള്ള വിള്ളലുകള്‍ സൃഷ്ടിക്കുകയും ന്യൂനപക്ഷ സമുദായങ്ങള്‍ക്ക് അധികാരികളോട് വളരെയധികം ഭയവും അവിശ്വാസവും ഉണ്ടാകാന്‍ കാരണമായിട്ടുണ്ടെന്നും റിപ്പോര്‍ട്ട് വ്യക്തമാക്കി.
