യു.പിയില്‍ സ്ഥാനാര്‍ത്ഥിയാകുമോ?; എപ്പോഴും ജനങ്ങള്‍ക്കൊപ്പമുണ്ടാകുമെന്ന് പ്രിയങ്കയുടെ മറുപടി
ഡൂള്‍ന്യൂസ് ഡെസ്‌ക്
Wednesday, 24th February 2021, 9:09 am
ലക്‌നൗ: ഉത്തര്‍പ്രദേശില്‍ നിയമസഭ തെരഞ്ഞെടുപ്പ് അടുത്ത വര്‍ഷം നടക്കാനിരിക്കേ ദേശീയ ശ്രദ്ധ പതിയുന്നത് പ്രിയങ്ക ഗാന്ധിയിലേക്കാണ്. യു.പിയുടെ ചുമതലയുള്ള പ്രിയങ്ക യു.പി രാഷ്ട്രീയത്തില്‍ ഇപ്പോള്‍ സജീവമാണ്.
അതേസമയം യു.പിയില്‍ സ്ഥാനാര്‍ത്ഥിയായി എത്തുമോ എന്ന ചോദ്യത്തിന് ആകുമെന്നോ ഇല്ലെന്നോ പ്രിയങ്ക ഉത്തരം നല്‍കിയില്ല. എപ്പോഴും ജനങ്ങള്‍ക്കൊപ്പം ഉണ്ടാകും എന്ന് മാത്രമാണ് പ്രിയങ്ക ദേശീയ മാധ്യമങ്ങളോട് പ്രതികരിച്ചത്.
” എന്റെ ഉത്തരവാദിത്തം ജനങ്ങള്‍ക്കൊപ്പം നില്‍ക്കുയും അവരുടെ പ്രശ്‌നങ്ങള്‍ ഉന്നയിക്കുകയും ചെയ്യുക എന്നതാണ്. ജനങ്ങള്‍ക്ക് വേണ്ടി ശബ്ദിക്കേണ്ടതാണ് എന്റെ കടമ. ഞാന്‍ ഒരിക്കലും ജനങ്ങളെ ഒറ്റിക്കൊടുക്കില്ല. പിന്നോട്ടു പോകുകയുമില്ല, പോരാടിക്കൊണ്ടിരിക്കും,” പ്രിയങ്ക ഗാന്ധി പറഞ്ഞു.
