സൂപ്പര്‍ സ്റ്റാറുകളുടെ യുഗം അവസാനിക്കുന്നു; ഷാരൂഖ് ഖാനും അക്ഷയ് കുമാറും സല്‍മാന്‍ ഖാനുമൊക്കെ ദൈവത്തോട് നന്ദി പറയണമെന്ന് പ്രിയദര്‍ശന്‍
എന്റര്‍ടെയിന്‍മെന്റ് ഡെസ്‌ക്
Thursday, 22nd July 2021, 5:32 pm
ഒരു ഇടവേളയ്ക്ക് ശേഷം ഹംഗാമ 2 എന്ന ചിത്രത്തിലൂടെ ബോളിവുഡില്‍ സജീവമാകുകയാണ് സംവിധായകന്‍ പ്രിയദര്‍ശന്‍. ഹംഗാമ 2 വില്‍, പരേഷ് റാവല്‍, രാജ്പാല്‍ യാ ദവ്, മീസാന്‍, ശില്‍പ ഷെട്ടി തുടങ്ങിയവരാണ് പ്രധാന കഥാപാത്രത്തെ അവതരപ്പിക്കുന്നത്.
ചിത്രത്തിന്റെ പ്രൊമോഷനിടെ സൂപ്പര്‍ സ്റ്റാറുകളുടെ അവസാനത്തെക്കുറിച്ചും, സിനിമാ ലോകത്തിന്റെ സാഹചര്യങ്ങളെക്കുറിച്ചും പ്രിയദര്‍ശന്‍ പി.ടി.ഐയ്ക്ക് നല്‍കിയ പ്രതികരണമാണ് ഇപ്പോള്‍ ചര്‍ച്ചയാകുന്നത്.
‘സിനിമാ ഇന്‍ഡസ്ട്രി മാറുകയാണ്. സൂപ്പര്‍സ്റ്റാറുകളുടെ അവസാന യുഗമാണിത്. സൂപ്പര്‍ താരങ്ങളായി ആഘോഷിക്കപ്പെടുന്ന ഷാരൂഖ് ഖാനും സല്‍മാന്‍ ഖാനും അക്ഷയ് കുമാറുമൊക്കെ ദൈവത്തോട് നന്ദി പറയണം. സിനിമകള്‍ കൂടുതല്‍ റിയലിസ്റ്റിക് ആകുന്നത് എനിക്ക് കാണാനാകുന്നുണ്ട്.
