ഷൂട്ടിനിടയില്‍ പീഡനം നേരിട്ടുവെന്ന വാര്‍ത്ത വ്യാജം, മാധ്യമപ്രവര്‍ത്തകരില്‍ ഒരു വിഭാഗം ഇത്രയും താഴ്ന്നത് സങ്കടകരം: നിത്യ മേനന്‍
എന്റര്‍ടെയിന്‍മെന്റ് ഡെസ്‌ക്
Tuesday, 26th September 2023, 8:21 pm
തമിഴ് സിനിമയുടെ ഷൂട്ടിനിടയില്‍ താന്‍ പീഡനം നേരിട്ടു എന്ന തരത്തില്‍ പ്രചരിക്കുന്ന വാര്‍ത്തകള്‍ വ്യാജമെന്ന് നടി നിത്യ മേനന്‍. വാര്‍ത്തകളുടെ സ്‌ക്രീന്‍ ഷോട്ട് സഹിതം സോഷ്യല്‍ മീഡിയില്‍ പങ്കുവെച്ചാണ് നിത്യ വ്യാജപ്രചരണത്തിനെതിരെ രംഗത്തെത്തിയത്.
‘മാധ്യമപ്രവര്‍ത്തകരില്‍ ഒരു വിഭാഗം ഇത്രയും താഴ്ന്നത് സങ്കടകരം, ഞാന്‍ അഭ്യര്‍ത്ഥിക്കുകയാണ്, നന്നായിക്കൂടെ’ എന്നാണ് വാര്‍ത്തയുടെ സ്‌ക്രീന്‍ ഷോട്ട് സഹിതം പങ്കുവെച്ച് നിത്യ കുറിച്ചത്.
