ചെന്നൈ ക്യാപ്റ്റനാക്കാന്‍ തീരുമാനിച്ചത് സെവാഗിനെ, ധോണിയിലേക്ക് എത്തിയത് ഇങ്ങനെ; വെളിപ്പെടുത്തലുമായി മുന്‍താരം
സ്പോര്‍ട്സ് ഡെസ്‌ക്
Tuesday, 21st December 2021, 9:20 am
ചെന്നൈ: ഐ.പി.എല്ലില്‍ ഏറ്റവും ആരാധകരുള്ള ടീമുകളിലൊന്നാണ് ചെന്നൈ സൂപ്പര്‍കിംഗ്‌സ്. ചെന്നൈയുടെ ജനപ്രീതിയ്ക്ക് ഏറ്റവും വലിയ കാരണം മഹേന്ദ്രസിംഗ് ധോണിയെന്ന ക്യാപ്റ്റനാണ്. 2008 ല്‍ ആദ്യ ഐ.പി.എല്‍ മുതല്‍ ചെന്നൈയുടെ നായകപദവിയിലാണ് ധോണി.
ധോണിയ്ക്ക് കീഴില്‍ നാല് കിരീടങ്ങളും ചെന്നൈ നേടിയിട്ടുണ്ട്.
എന്നാല്‍ പ്രഥമ ഐ.പി.എല്ലില്‍ ചെന്നൈ ധോണിയെ ആയിരുന്നില്ല ക്യാപ്റ്റന്‍ സ്ഥാനത്തേക്ക് നിശ്ചയിച്ചിരുന്നതെന്ന് മുന്‍ താരം എസ്. ബദരീനാഥ് പറയുന്നു. വെടിക്കെട്ട് ഓപ്പണറായിരുന്ന വിരേന്ദര്‍ സെവാഗിനെയായിരുന്നു ചെന്നൈ ക്യാപ്റ്റന്‍ സ്ഥാനത്തേക്ക് നോക്കിയിരുന്നത്.
എന്നാല്‍ ഹോം ഫ്രാഞ്ചൈസിയായിരുന്ന ഡല്‍ഹി ഡെയര്‍ഡെവിള്‍സിനൊപ്പം നില്‍ക്കാനായിരുന്നു സെവാഗിന്റെ ആഗ്രഹം.
