ബാലണ്‍ ഡി ഓര്‍ പുരസ്‌കാര ചടങ്ങിനിടെ ബാഴ്‌സലോണ പ്രസിഡന്റ് ജുവാന്‍ ലപോര്‍ട്ടയെ ലയണല്‍ മെസി അവഗണിച്ചതായി റിപ്പോര്‍ട്ട്. ലപോര്‍ട്ടയോട് സംസാരിക്കാന്‍ മെസി താല്‍പര്യപ്പെട്ടില്ലെന്നും ബാഴ്‌സലോണ പ്രസിഡന്റിനെ കണ്ടപ്പോള്‍ മെസി നടന്നകലുകയായിരുന്നുവെന്ന് പ്രമുഖ മാധ്യമ പ്രവര്‍ത്തകനായ ഗില്ലെം ബലാഗ് ആണ് റിപ്പോര്‍ട്ട് ചെയ്തത്.
‘ബാലണ്‍ ഡി ഓര്‍ ജേതാവായ സ്പാനിഷ് താരം അയ്റ്റാന ബോന്‍മാറ്റിക്കൊപ്പം മെസി ഫോട്ടോസ് എടുക്കുമ്പോള്‍ ലപോര്‍ട്ട സമീപത്തുണ്ടായിരുന്നു. അദ്ദേഹം മെസിയോട് സംസാരിക്കാനും കൂടെ നിന്ന് ഫോട്ടോസ് എടുക്കുവാനും ആഗ്രഹിച്ചിരുന്നു. എന്നാല്‍ മെസി അദ്ദേഹത്തെ അവഗണിച്ച് നടന്നകലുകയായിരുന്നു,’ ബലാഗ് പറഞ്ഞു.
