കൊച്ചി: കാക്കനാടിനടുത്തുള്ള ബ്രഹ്മപുരം മാലിന്യ പ്ലാന്റിന് തീ പിടിച്ചതിനെ തുടർന്ന് മൂന്ന് ദിവസത്തോളം കൊച്ചി നഗരത്തെ പുക വലയം ചെയ്തിരിക്കുകയായിരുന്നു. എന്നാൽ ഇന്നലെ ഉച്ചയോടെ പുക ഭാഗികമായെങ്കിലും നിയന്ത്രണവിധേയമാക്കാൻ സാധിച്ചിട്ടുണ്ട്. പ്ലാസ്റ്റിക്കിനും മറ്റ് പ്രകൃതിക്ക് ദോഷമുണ്ടാക്കുന്ന വസ്തുക്കൾക്കും തീപിടിച്ചത് കാരണം മാരകമായ തോതിൽ വിഷാഅംശമുള്ള പുകയാണ് നഗരത്തിലാകെ പടർന്നത്. പുകമൂലം കുട്ടികൾ ഉൾപ്പെടെയുള്ളവർക്ക് ശ്വാസ തടസവും മറ്റ് ബുദ്ധിമുട്ടുകളും അനുഭവപ്പെടുകയും നിരവധി പേരെ ആശുപത്രിയിൽ പ്രവേശിപ്പിക്കേണ്ടി വരികയും ചെയ്തു.