ഫ്രാന്‍സില്‍ കൊവിഡ് നാലാം തരംഗം ജൂലൈ അവസാനത്തോടെ; മുന്നറിയിപ്പുമായി ഫ്രഞ്ച് സര്‍ക്കാര്‍
ഡൂള്‍ന്യൂസ് ഡെസ്‌ക്
Monday, 5th July 2021, 9:19 pm
പാരിസ്: ഫ്രാന്‍സില്‍ കൊവിഡ് നാലാം തരംഗം ജൂലൈ അവസാനത്തോടെയുണ്ടാകുമെന്ന് മുന്നറിയിപ്പ് നല്‍കി രാജ്യത്തെ ഔദ്യോഗിക വൃത്തങ്ങള്‍. ഡെല്‍റ്റ വേരിയന്റിന്റെ സാന്നിദ്ധ്യം രാജ്യത്ത് വര്‍ധിക്കുന്നതിന്റെ സാഹചര്യത്തിലാണ് മുന്നറിയിപ്പ്.
‘കഴിഞ്ഞ ഒരാഴ്ചയായി കൊവിഡ് വ്യാപനം കൂടുതല്‍ ശക്തമാകുകയാണ്. 30 ശതമാനം പേരിലും ഡെല്‍റ്റാ വേരിയന്റിന്റെ സാന്നിദ്ധ്യം പുതുതായി റിപ്പോര്‍ട്ട് ചെയ്യുന്നുമുണ്ട്,’ സര്‍ക്കാര്‍ മുഖ്യവക്താവ് ഗബ്രിയേല്‍ അറ്റാല്‍ പറഞ്ഞു.
ഇതെല്ലാം നാലാം തരംഗത്തിന്റെ ലക്ഷണങ്ങളാണെന്നും ജൂലൈ അവസാനത്തോട് കൊവിഡ് നാലാം തരംഗം ഉണ്ടാകുമെന്നും അദ്ദേഹം പറഞ്ഞു.
രാജ്യത്ത് വാക്‌സിനേഷന്‍ പ്രക്രിയയും മന്ദഗതിയിലാണ് നടക്കുന്നത്. എല്ലാവരിലേക്കും വാക്‌സിന്‍ എത്താത്തതും രോഗവ്യാപനം കൂടുതല്‍ രൂക്ഷമാക്കുമെന്നും ഫ്രഞ്ച് ആരോഗ്യ മന്ത്രാലയം അറിയിച്ചു.
