കേരളത്തില്‍ കൗമാരക്കാര്‍ ഏറ്റവും കൂടുതല്‍ ഉപയോഗിക്കുന്ന ലഹരിവസ്തു കഞ്ചാവ്; എക്‌സൈസ് സര്‍വേ റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Saturday, 28th January 2023, 11:44 pm
തിരുവനന്തപുരം: കേരളത്തിലെ കൗമാരക്കാര്‍ ഏറ്റവും കൂടുതല്‍ ഉപയോഗിക്കുന്ന ലഹരി വസ്തു കഞ്ചാവാണെന്ന് ഏക്‌സൈസ് വകുപ്പിന്റെ സര്‍വേ റിപ്പോര്‍ട്ട്. പുകവലിയിലൂടെയാണ് കൂടുതല്‍ പേരും കഞ്ചാവിലേക്കെത്തുന്നതെന്നും സര്‍വേ റിപ്പോര്‍ട്ടില്‍ പറയുന്നു.
റിപ്പോര്‍ട്ടിലെ 70 ശതമാനം പേരും 10നും 15നും വയസിനിടയിലാണ് ലഹരി ഉപയോഗിച്ച് തുടങ്ങിയത്. 15 മുതല്‍ 19 വയസിനിടയില്‍ തുടങ്ങിയത് 20 ശതമാനമാണ്. ഒമ്പത് ശതമാനം പേരാണ് 10 വയസിന് താഴെയുള്ള പ്രായത്തില്‍ ലഹരി ഉപയോഗിക്കുന്നത്.
ലഹരിമരുന്ന് കേസില്‍ പിടിക്കപ്പെട്ടവരും വിമുക്തിയുടെ ഡി അഡിക്ഷന്‍ കേന്ദ്രങ്ങളിലും കൗണ്‍സിലിങ് കേന്ദ്രങ്ങളിലും ചികിത്സയ്ക്കായി എത്തിയവരുമായ 19 വയസിന് താഴെയുള്ള 600 പേരിലാണ് പഠനം നടത്തിയത്.
