'പണം കൊണ്ടല്ല, കഴിവുകൊണ്ട് ആരാധകരാല്‍ ഓര്‍ക്കപ്പെടണം'; സൗദിയിലേക്ക് ചേക്കേറിയ താരങ്ങളോട് സ്ലാറ്റന്‍
സ്പോര്‍ട്സ് ഡെസ്‌ക്
Sunday, 15th October 2023, 10:21 pm
സൗദി അറേബ്യയിലേക്ക് ചേക്കേറുന്ന താരങ്ങള്‍ തങ്ങളുടെ കഴിവിനെക്കാള്‍ പണത്തിനാണ് പ്രാധാന്യം നല്‍കുന്നതെന്ന് മുന്‍ ഫുട്ബോള്‍ താരം സ്ലാറ്റന്‍ ഇബ്രാഹിമോവിച്ച്. താരങ്ങള്‍ തങ്ങളുടെ കഴിവ് കൊണ്ടാണ് അറിയപ്പെടേണ്ടതെന്നും സമ്പാദ്യം കൊണ്ടല്ലെന്നും സ്ലാറ്റന്‍ പറഞ്ഞു. പിയേഴ്സ് മോര്‍ഗന്‍ ഷോയിലാണ് അദ്ദേഹം ഇക്കാര്യങ്ങള്‍ പങ്കുവെച്ചത്.
‘നിങ്ങള്‍ നിങ്ങളുടെ കഴിവ് കൊണ്ട് അറിയപ്പെടണം. അല്ലാതെ നിങ്ങളുടെ പണവും സമ്പാദ്യവും കൊണ്ടല്ല. നമ്മളെന്തിനാണ് ദിവസവും പരിശീലനം നടത്തുന്നത്? എന്തിനാണ് നമ്മുടെ കഴിവുകള്‍ കൊണ്ട് അറിയപ്പെട്ടത്? അതെല്ലാമാണ് ആളുകള്‍ക്ക് നമ്മളെ കുറിച്ച് ഓര്‍മയുണ്ടായിരിക്കേണ്ടത്,’ സ്ലാറ്റന്‍ പറഞ്ഞു.
