പാലക്കാട്: പാലക്കാട് സൈലന്റ്‌വാലിക്ക് സമീപം ചിണ്ടക്കിയില്‍ യുവാവ് വെടിയേറ്റു മരിച്ചു. മുക്കാലി ചോലക്കാട് സ്വദേശിയായ ഫോട്ടോഗ്രാഫര്‍ ബെന്നിയാണ് മരിച്ചത്.

സുഹൃത്ത് ചിണ്ടക്കിയില്‍ ഹോട്ടല്‍ ജീവനക്കാരനായ കുട്ടായിയുമൊത്തെ മത്സബന്ധത്തിനു പോയതായിരുന്നു ഇരുവരും.

മീന്‍ പിടിക്കുന്നതിനിടെ ഇവര്‍കക് നേരെ ഒരു ടോര്‍ച്ച് വെളിച്ചം വന്നു. ഇവര്‍ കയ്യിലുണ്ടായിരുന്ന ടോര്‍ച്ചടിച്ച് ആരാണെന്നു നോക്കിയപ്പോഴാണ് വെടിവെപ്പുണ്ടായത്. ബെന്നിയുടെ പിറകിലാണ് വെടിയേറ്റത്.

പുലര്‍ച്ചെ ഒന്നരയോടെയായിരുന്ന സംഭവം. ബെന്നിക്ക് വെടിയേറ്റതോടെ സുഹൃത്ത് ഓടി ചിക്കണ്ടിയിലെത്തി ആളുകളെ കൂട്ടി തിരിച്ചെത്തിയപ്പോഴേക്കും ബെന്നി മരിച്ചിരുന്നു.

മാവോയിസ്റ്റ് ആക്രമണമാണിതെന്നാണ് പോലീസ് സംശയിക്കുന്നത്. എന്നാലിതു സ്ഥിരീകരിച്ചിട്ടില്ല. പോലീസിലെ ഉന്നത ഉദ്യോഗസ്ഥര്‍ സ്ഥലത്തെത്തിയിട്ടുണ്ട്.

മുക്കാലിയില്‍ സ്റ്റുഡിയോ നടത്തുകയാണ് ബെന്നി.