ദുര്‍ഗാവാഹിനി ജാഥയില്‍ അറസ്റ്റില്ല; യൂത്ത്‌ലീഗ് സെക്രട്ടേറിയറ്റ് മാര്‍ച്ച് നടത്തി
ഡൂള്‍ന്യൂസ് ഡെസ്‌ക്
Wednesday, 1st June 2022, 9:28 pm
തിരുവനന്തപുരം: തിരുവനന്തപുരം ആര്യങ്കോടിനടുത്തുള്ള മാരാരിമുട്ടത്ത് വാളുമേന്തി പ്രകടനം നടത്തിയ സംഭവവുമായി ബന്ധപ്പെട്ട പ്രതികളെ പൊലീസ് അറസ്റ്റ് ചെയ്യാത്തതില്‍ പ്രതിഷേധിച്ച് യൂത്ത്‌ലീഗ് സെക്രട്ടേറിയറ്റ് മാര്‍ച്ച് നടത്തി. തിരുവനന്തപുരം ജില്ലാ കമ്മിറ്റിയാണ് മാര്‍ച്ച് സംഘടിപ്പിച്ചത്. യൂത്ത് ലീഗ് സംസ്ഥാന സെക്രട്ടറി പി.കെ. ഫിറോസ് പിരിപാടിയില്‍ പങ്കെടുത്തു.
‘സംഘപരിവാര്‍ സംഘടനയായ ദുര്‍ഗാവാഹിനി നെയ്യാറ്റിന്‍കരയില്‍ വാളേന്തി പ്രകടനം നടത്തുകയും പ്രകോപനമുണ്ടാക്കുകയും ചെയ്തിട്ടും പ്രതികളെ അറസ്റ്റ് ചെയ്യാന്‍ തയ്യാറാകാത്ത പിണറായിയുടെ പോലീസിനെതിരെ ഇന്ന് യൂത്ത്‌ലീഗ് സെക്രട്ടേറിയറ്റ് മാര്‍ച്ച് നടത്തി.
മാര്‍ച്ച് സംഘടിപ്പിച്ച തിരുവനന്തപുരം ജില്ലാ കമ്മിറ്റിക്ക് അഭിനന്ദനങ്ങള്‍,’ പരിപാടിയുടെ ചിത്രം പങ്കുവെച്ച് പി.കെ. ഫിറോസ് ഫേസ്ബുക്കില്‍ എഴുതി.
