അര്‍ണാബ് ഗോസ്വാമിയുടെ റിപ്പബ്ലിക് ടിവി സ്ഥാപനങ്ങള്‍ അടച്ചൂപൂട്ടണമെന്ന് പരാതി; പാല്‍ഘര്‍ കേസില്‍ ചട്ടലംഘനം നടത്തിയെന്ന് യൂത്ത് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Tuesday, 5th May 2020, 10:21 pm
ന്യൂദല്‍ഹി: റിപ്പബ്ലിക്ക് ടി.വി, റിപ്പബ്ലിക് ടി.വി ഭാരത്, ഇവയുടെ മാതൃകമ്പനിയായ എ.ആര്‍.ജി ഔട്ട്‌ലിയര്‍ മീഡിയ എന്നിവയുടെ ലൈസന്‍സ് റദ്ദാക്കണമെന്നും നടപടി സ്വീകരിക്കണമെന്നും യൂത്ത് കോണ്‍ഗ്രസ് പരാതി നല്‍കി. കേന്ദ്ര വാര്‍ത്താ വിതരണ മന്ത്രാലയം ഫെബ്രുവരി 25ന് പുറത്തിറങ്ങിയ മാര്‍ഗനിര്‍ദേശങ്ങളുടെ ലംഘനമാണ് ഈ സ്ഥാനപങ്ങള്‍ നടത്തിയതെന്ന് പരാതിയില്‍ പറയുന്നു.
ഏപ്രില്‍ 16ന് പാല്‍ഘര്‍ ആള്‍ക്കൂട്ട കൊലപാതകത്തെ കുറിച്ച് ഏപ്രില്‍ 21ന് റിപ്പബ്ലിക് ടി.വിയില്‍ നടന്ന പുച്ഛ ഭാരത് എന്ന ഷോ വര്‍ഗീയത സ്വഭാവം നിറഞ്ഞതായിരുന്നുവെന്നും അവാസ്തവമായ കാര്യങ്ങളാണ് ഷോയിലുണ്ടായിരുന്നതെന്നും പരാതിയില്‍ ആരോപിക്കുന്നു. യൂത്ത് കോണ്‍ഗ്രസ് അഖിലേന്ത്യാ അദ്ധ്യക്ഷന്‍ ബി.വി ശ്രീനിവാസിന്റെ നേതൃത്വത്തിലാണ് പരാതി നല്‍കിയത്.
