ന്യൂദല്‍ഹി: സാമ്പത്തിക നോബേല്‍ പുരസ്‌കാരം നേടിയ ഇന്ത്യന്‍ വംശജനായ അഭിജിത് ബാനര്‍ജിയെ അവഹേളിച്ചു കൊണ്ടുള്ള ബി.ജെ.പി നേതാക്കളുടെ പരാമര്‍ശങ്ങള്‍ക്കെതിരെ കോണ്‍ഗ്രസ് നേതാവ് പ്രിയങ്ക ഗാന്ധി.
അഭിജിത് ബാനര്‍ജി ആത്മാര്‍ഥമായി തന്റെ ജോലി ചെയ്താണ് നോബേല്‍ സമ്മാനം കരസ്ഥമാക്കിയതെന്നും തകര്‍ന്നു കൊണ്ടിരിക്കുന്ന സാമ്പത്തികരംഗത്തെ തിരികെ കൊണ്ടു വരലാണ് നിങ്ങളുടെ ജോലി അല്ലാതെ കോമഡി ഷോ നടത്തലല്ലെന്നുമാണ് പ്രിയങ്ക ഗാന്ധി ട്വീറ്റു ചെയ്തിരിക്കുന്നത്. ഇതിനൊപ്പം രാജ്യത്തെ സാമ്പത്തിക വളര്‍ച്ച കുറയുന്നതു സംബന്ധിച്ച് ഒരു മീഡിയ റിപ്പോര്‍ട്ടും അവര്‍ ട്വിറ്ററില്‍ പങ്കു വെച്ചു.
भाजपा नेताओं को जो काम मिला है उसको करने की बजाय दूसरों की उपलब्धियों को झुठलाने में लगे हैं। नोबेल पाने वाले ने अपना काम ईमानदारी से किया, नोबेल जीता।
अर्थव्यवस्था ढही जा रही है। आपका काम उसको सुधारना है न कि कॉमेडी सर्कस चलाना।https://t.co/DfZXAMmaxg
— Priyanka Gandhi Vadra (@priyankagandhi) October 19, 2019
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
ബി.ജെ.പി ദേശീയ സെക്രട്ടറി രാഹുല്‍ സിന്‍ഹയും കേന്ദ്രമന്ത്രി പിയൂഷ് ഗോയലും അഭിജിത് ബാനര്‍ജിക്കെതിരെ രംഗത്തു വന്നിരുന്നു.
വിദേശികളായ രണ്ടാം ഭാര്യമാര്‍ ഉള്ളവര്‍ക്കാണ് കൂടുതലും നൊബേല്‍ പുരസ്‌കാരം ലഭിക്കുന്നതെന്നായിരുന്നു സിന്‍ഹയുടെ പരിഹാസം. രണ്ടാം ഭാര്യയായി ഒരു വിദേശിയുണ്ടാകുന്നതാണോ നൊബേല്‍ ലഭിക്കാനുള്ള ഡിഗ്രി എന്നും സിന്‍ഹ ചോദിച്ചു.
