തൃശൂരില്‍ ആള്‍ക്കൂട്ട മര്‍ദനത്തിനിരയ യുവാവ് ഗുരുതരാവസ്ഥയില്‍
ഡൂള്‍ന്യൂസ് ഡെസ്‌ക്
Saturday, 15th April 2023, 5:05 pm
തൃശൂര്‍: ആള്‍ക്കൂട്ട മര്‍ദനത്തിനിരയായതിന് പിന്നാലെ യുവാവ് ഗുരുതരാവസ്ഥയില്‍. തൃശൂര്‍ ചേലക്കര കിള്ളിമംഗലത്ത് വെച്ച് വെള്ളിയാഴ്ച പുലര്‍ച്ചെ രണ്ട് മണിയോടെ നടന്ന അക്രമത്തില്‍ വെട്ടിക്കാട്ടിരി സ്വദേശി സന്തോഷിനാണ് പരിക്കേറ്റത്.
അബ്ബാസെന്നയാളുടെ വീട്ടില്‍ നിന്ന് അടക്ക മോഷ്ടിക്കാന്‍ ശ്രമിച്ചെന്ന ആരോപണത്തെ തുടര്‍ന്നാണ് മര്‍ദനമെന്ന് പൊലീസ് അറിയിച്ചു. തലക്ക് ഗുരുതരമായി പരിക്കേറ്റ സന്തോഷിനെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. ഇദ്ദേഹത്തെ ശസ്ത്രക്രിയക്ക് വിധേയമാക്കിയെന്നാണ് റിപ്പോര്‍ട്ടുകള്‍.
